پٹنہ :وزیر اعلیٰ نتیش کمار کی قیادت میں بہار کا بنیادی ڈھانچہ تیزی سے ترقی کر رہا ہے۔ بہار کو ترقی کی راہ پر لے جانے کے لییترقیات کے تمام قدم اٹھائے جارہے ہیں۔ جس رفتار سے بہار میں بنیادی ڈھانچہ تیار ہو ررہے ہیں، اسی رفتار سے روزگار کے مواقع بھی پیدا ہو رہے ہیں۔ بہار میں سڑک اور ہوائی اڈے کے انفرااسٹرکچر کو مضبوط بنانے کی سمت میں ریاستی حکومت تیزی سے کام کررہی ہے۔جس کی مثال پٹنہ توسیع شدہ نئے ٹرمنل کی تعمیر ہے ،جس کا افتتاح 29مئی(آج ) ہو گا۔ساتھ ہی بہٹا ایر پورٹ کا بھی سنگ بنیاد رکھا جائے گا۔
ایک نگاہ سڑکوں کے ڈیولپمنٹ پر ڈالی جائے تو بہار میں بہتر رابطے کے لیے کئی ایکسپریس وے پر کام شروع ہو رہا ہے۔ 10 سے زیادہ ایکسپریس وے پر کام جاری ہے جس میں رکسول-ہلدیہ گرین فیلڈ ایکسپریس وے، پٹنہ-آرا-ساسارام ایکسپریس وے، آمس-دربھنگا ایکسپریس وے، مونگیر-مرزاچوکی ایکسپریس وے، پٹنہ-آرا-بکسر ایکسپریس وے شامل ہیں۔ ان منصوبوں کی تکمیل سے جہاں لوگوں کے بہار کے ہر خطہ میں آمدورفت میں آسانی ہو گی وہیں ریاست کی معیشت کو نئی رفتار ملے گی۔ اس کے ساتھ ہی ہوائی رابطوں کو بہتر بنانے کے مقصد سے پٹنہ ایرپورٹ کی توسیع کی گئی ہے تاکہ ہوائی رابطے بہتر ہو سکیں۔ پٹنہ ہوائی اڈے کی توسیع سے ریاست کے ہوائی ٹریفک کو ایک نئی سمت ملے گی۔ اس کے ساتھ ہی بہٹا میںایر پورٹ کی تعمیر ہو نے جارہی ہے۔ ریاست میں جلد ہی 6 نئے ایرپورٹ کی تعمیر کا کام شروع ہونے والا ہے۔ یہ ایئر پورٹ مدھوبنی، مظفر پور، والمیکی نگر، ویر پور، سہرسہ اور مونگیر میں تعمیر کیے جائیں گے۔ اس سے ہوائی سفر کے نیٹ ورک اور سہولیات دونوں میں بہتری آئے گی ۔
وزیر اعظم نریندر مودی کل پٹنہ ایئر پورٹ کے توسیع شدہ نئے ٹرمینل کی عمارت کا افتتاح کریں گے اور بہٹا ایئر پورٹ کا سنگ بنیاد رکھیں گے۔
وزیر اعظم نریندر مودی 29 مئی کو شام پٹنہ ایئر پورٹ کی نئی ٹرمینل عمارت کا افتتاح کریں گے۔ پٹنہ ایئرپورٹ کی ٹرمینل عمارت تقریباً 1200 کروڑ روپے کی لاگت سے تعمیر کی گئی ہے۔ اس کے ساتھ ہی وزیر اعظم نریندر مودی 1,410 کروڑ روپے سے زیادہ کی لاگت سے تعمیر ہونے والے بہٹاایئر پورٹ کے نئے سول انکلیو کا بھی سنگ بنیاد رکھیں گے۔بہار کو 48,520 کروڑ روپے سے زیادہ کے کئی ترقیاتی منصوبے مل رہے ہیں۔
بہار میں وزیر اعظم نریندر مودی ہاتھوں 30 مئی کو روہتاس کے بکرم گنج میں 48,520 کروڑ روپے سے زیادہ کے کئی ترقیاتی پروجیکٹوں افتتاح اور سنگ بنیاد ر رکھا جائے گا اور قوم کو وقف کریں گے۔اس کے علاوہ اورنگ آباد ضلع کے نبی نگر میں 29,930 کروڑ روپے سے زیادہ کی لاگت والے نبی نگر سپر تھرمل پاور پروجیکٹ فیز-II (2400 میگاواٹ) کا سنگ بنیاد رکھیں گے۔ اس کا مقصد بہار اور مشرقی ہندوستان کے لیے توانائی کی حفاظت کو یقینی بنانا ہے۔ 1330 کروڑ روپے سے زیادہ کی لاگت سے سون نگر-محمد گنج کے درمیان تیسری ریلوے لائن قوم کے سپرد کیا جائے گا۔ اس کے ساتھ ہی وزیر اعظم این ایچ 119 اے کے پٹنہ آرا ، ساسارام سیکشن کو چارلین کا بنانے ،وارانسی -رانچی -کولکاتہ قومی شاہراہ (این ایچ 31b)اور رام نگر -کچی درگاہ سیکشن (NH-119D)کو 6لین بنانے اور بکسر اور بھرولی کے درمیان ایک نئے گنگا پل کی تعمیر سمیت مختلف سڑک پروجیکٹوں کا سنگ بنیاد رکھیں گے ۔ اس ساتھ ہی وزیر اعظم سون نگر -محمد گنج کے درمیان 1,330کروڑ روڑے سے زیادہ کی لاگت والے تیسرے ریلوے لائن قوم کے سپرد کریں گے ۔
