پٹنہ22 مارچ 2025: وزیر اعلیٰ جناب نتیش کمار نے آج ایم ایل اے (رکن اسمبلی) اور ایم ایل سی (رکن قانون ساز کونسل) کی رہائش احاطہ کا معائنہ کیا۔ اس دوران عمارت تعمیرات محکمہ کے سکریٹری مسٹر کمار روی نے وزیر اعلیٰ کو بتایا کہ اس نئے ہاؤسنگ کمپلیکس میں قانو ساز کونسل کے ارکان کے لیے تعمیر کیے گئے 75 فلیٹس انہیں الاٹ کر دیے گئے ہیں۔ارکان اسمبلی کے لیے 246 فلیٹس تعمیر کیے جا رہے ہیں جن میں سے 88 فلیٹس ارکان اسمبلی کو الاٹ کیے گئے ہیں۔ باقی 188 فلیٹوں کی تعمیر دو ماہ میں مکمل کر لی جائے گی۔ انہوں نے کینٹین، کمیونٹی ہال اور گیسٹ ہاؤس کے تعمیراتی کام کے حوالے سے بھی وزیر اعلیٰ کو معلومات فراہم کی ۔
وزیر اعلیٰ نے نو تعمیر شدہ ایم ایل اے فلیٹ کی نچلی اوربالائی منزل کے مختلف حصوں کا معائنہ کیا۔ ایم ایل اے اور ایم ایل سی کے لیے تعمیر کیے جانے والے نئے ہاؤسنگ کمپلیکس کا معائنہ کرتے ہوئے وزیر اعلیٰ نے کہا کہ کمپلیکس کے اندر کی راستوںکو بہتر طریقہ سے رکھیں،،صاف، صفائی کا انتظام رکھیں ساتھ ہی احاطہ میں شجرکاری بھی کرائیں۔ زیر تعمیر کاموں کو تیزی سے مکمل کریں۔
اس کے بعد وزیر اعلیٰ نے زیر تعمیر میٹھا پور-مہولی سڑک کا جائزہ لیا۔ اس دوران بہار اسٹیٹ پل تعمیرات کارپوریشن لمیٹیڈ کے چیئرمین شرشت کپل نے وزیر اعلیٰ کو بتایا کہ میٹھا پور-مہولی سڑک کی لمبائی 11 کلومیٹر ہے۔ اس کا باقی ماندہ تعمیراتی کام اپریل کے مہینے تک مکمل کر لیا جائے گا۔ معائنہ کے دوران وزیر اعلیٰ نے مٹھا پور فلائی اوور روٹری اور میٹھا پور ریلوے کراسنگ کے قریب جگہ کا معائنہ کیا۔ انہوں نے افسران کو ہدایات دیتے ہوئے کہا کہ ایلیویٹڈ میٹھا پور پل کااور نیچے کے باقی ماندہ سڑک کے کام کو تیزی سے مکمل کریں۔ اس سے لوگوں آمدورفت میں آسانی ہوگی اور لوگوں کو بائی پاس جام سے بھی نجات ملے گی۔ پٹنہ اور پٹنہ کے باہر جانے والے لوگوں کو بھی کافی سہولت ملے گی۔
اس کے بعد وزیر اعلیٰ نے پٹنہ، گیا قدیم سڑک کو چوڑا کرنے کے کام کا جائزہ لیا۔پن پن تین موہانی کے قریب رک کر وزیراعلیٰ نے جائے وقوعہ کا معائنہ کیا اور تعمیراتی کام کاجائزہ لیا۔ اس دوران وزیر اعلیٰ نے کہا کہ یہاں سے پن پن گھاٹ جانے کے لیے ایلیویٹیڈ روڈ کی تعمیر کا کام تیزی سے مکمل کریں۔ لکشمن جھولا کے تعمیراتی کام کو بھی جلد مکمل کریں۔ انہوں نے کہا کہ اس علاقے سے ہمارا پرانا تعلق ہے۔ ہم ہمیشہ اس علاقے میں آتے رہے ہیں۔ مجھے اس علاقے کے لوگوں کی نمائندگی کا موقع ملا ہے۔ وزیر اعلیٰ نے وہاں موجود لوگوں سے ملاقات کی اور ان کی خیریت دریافت کی۔
اس کے بعد وزیر اعلیٰ نے بختیار پور-موکاما فور لین (این ایچ-31) کے آر او بی کا افتتاح کیا۔ افتتاح کے بعد وزیر اعلیٰ نے کہا کہ اب بختیار پور سے موکاما جانے والے لوگوں کو زیادہ سہولت ملے گی۔ اس کے علاوہ پٹنہ سے شمالی بہار جانے والے لوگوں کی آمدورفت آسان ہوجائے گی اور وقت کی بچت ہوگی۔ اس کے بعد وزیر اعلیٰ نے زیر تعمیر بختیار پور – تاج پورروڈ کا معائنہ کیا اور اسے تیزی سے مکمل کرنے کی ہدایت دی۔
معائنہ کے دوران عمارت تعمیرات کے وزیر جناب جینت راج، وزیر اعلیٰ کے پرنسپل سکریٹری مسٹر دیپک کمار، محکمہ سڑک تعمیرات کے ایڈیشنل چیف سکریٹری مسٹر مہیر کمار سنگھ، محکمہ تعمیرات کے سکریٹری مسٹر کمار روی، وزیر اعلیٰ کے اور ایس ڈی مسٹر گوپال سنگھ، پٹنہ کے ڈی ایم ڈاکٹر چندر شیکھر سنگھ، بہار ریاستی پل تعمیرات کارپوریشن لمیٹیڈکے چیئر مین مسٹر شیشرت کپل اشکوک،پٹنہ کے ایس ایس پی مسٹر آکاش کمار سنگھ سمیت دیگر افسران موجود تھے۔
