پٹنہ، 29 مئی، 2025 وزیر اعلیٰ جناب نتیش کمار نے آج جے پی گنگا پتھ پرکرائے جار ہے لینڈ اسکیپنگ ، پودا لگانے اور خوبصورتی کے کام کا معائنہ کیا۔ اس دوران انہوں نے کہا کہ شجرکاری سے یہ علاقہ سر سبز نظر آئے گا۔ جے پی گنگا پتھ ایک شاندار پروجیکٹ ہے، جس کی حسن کاری بھی اچھی طریقے سے کرائیں۔ اس راستے پر لوگوں کے لیے روڈ سیفٹی اور بلا تعطل ٹریفک دونوں ضروری ہیں۔اس کے بعد وزیر اعلیٰ گائے گھاٹ پہنچے۔ گائے گھاٹ میں جے پی گنگا پتھ سے متصل ندی کی طرف ڈاون ریمپ کے تعمیراتی کام کا معائنہ کیا۔ جے پی گنگا پتھ پر گاڑیوں کی آسان آمدو رفت اور سڑک کی حفاظت کو ذہن میں رکھتے ہوئے گائے گھاٹ میں ندی کی طرف ایک ڈاون ریمپ کی تعمیر کی جارہی ہے۔ جے پی گنگا پتھ پروجیکٹ میں گاڑیوں کو گائی گھاٹ پر اترنے کے لیے یو ٹرن کا انتظام ہے، اس ڈائون ریمپ کی تعمیر سے یو ٹرن کا انتظام ختم ہو جائے گا۔ معائنہ کے دوران وزیر اعلیٰ نے کہا کہ اس ڈائون ریمپ کے تعمیراتی کام کو تیزی سے مکمل کرائیں تاکہ لوگوں کو گائے گھاٹ میں جے پی گنگا پتھ سے براہ راست اور محفوظ رابطہ کا فائدہ مل سکے۔ انہوں نے کہا کہ مہاتما گاندھی سیتو اور اس کے بغل میں بنائے جانے والے نئے فورلین پل سے بھی جے پی گنگا پتھ کو جوڑ کر رابطہ بحال کرنے کے لیے کام کریں اس انجینئر مطالعہ کرکے بہتر انداز میں کام کرائیں۔اس کے بعد وزیر اعلیٰ نے زیر تعمیر کچی درگاہ بیدو پور 6 لین پل کا معائنہ کیا۔ معائنے کے دوران وزیر اعلیٰ نے کہا کہ اس کا تعمیراتی کام جلد مکمل کرائیں۔ انہوں نے کہا کہ دیدار گنج تک جے پی گنگا پتھ پروجیکٹ مکمل ہو چکا ہے۔ جے پی گنگا پتھ سے آنے اور جانے والی گاڑیوں کے لیے کچی درگاہ بیدو پور 6 لین پل سے براہ راست رابطہ بحال کرنے کے لیے باقی ماندہ کام کو جلد مکمل کریں۔ انہوں نے کہا کہ کچی درگاہ-بیدو پور 6 لین پل کی تعمیر مکمل ہونے کے بعد شمالی بہار اور جنوبی بہار کے درمیان آمد و رفت آسان ہو جائے گی۔ پٹنہ شہر میں ٹریفک جام سے بھی لوگوں کو راحت ملے گی۔ اس پل کی تعمیر سے لوگ پٹنہ شہر کے باہر سے شمالی بہار کے مختلف مقامات پر آسانی سے سفر کر سکیں گے۔
