بہارشریف(محمد راشد عالم) نالندہ کے ضلع مجسٹریٹ ششانک شوبھنکر کی صدارت میں ایک پریس کانفرنس کا انعقاد کیا گیا جس میں انہوں نے 20 فروری 2025 کو وزیر اعلیٰ کی طرف سے یاترا کے دوران کئے گئے 18 اسکیموں کا اعلانات پر عمل درآمد کے حوالے سے تفصیلی معلومات دی۔بہارشریف کے اتواری بازار سے علی نگر سے بہارشریف مشرقی بائی پاس تک سڑک کو چوڑا اور مضبوط کرنے کے کام کے ساتھ آر او بی کم رسائی سڑک کی تعمیر کی جائے گی۔علی نگر-تونگی راستہ (NH-31 سے بہارشریف بائی پاس تک) اور مخدوم صاحب کے مزار (بڑی درگاہ) کو جانے والا NH-82 راستہ اس وقت بہت تنگ ہے،جس کی وجہ سے بڑی درگاہ، بہارشریف سے آنے والے عقیدت مندوں اور شہریوں کو مشکل کا سامنا کرنا پڑتا ہے۔ بابا مخدوم صاحب کے مزار (بڑی درگاہ) تک جانے والا راستہ اور NH-31 سے NH-82 بائی پاس تک 1.8 کلومیٹر سڑک کو چوڑا اور مضبوط کرنے سے ہر سال ہونے والے عرس میلے میں شہر کے باسیوں کو فائدہ ہوگا۔چورا باغیچہ سے 42.15 کروڑ روپے 6.5 کلومیٹر پرانی رانچی روڈ بہارشریف کے مختلف مقامات سے گزرتی ہےاس کی چوڑائی میں اضافہ کرنے سے بہارشریف شہر کو ٹریفک جام سے نجات ملے گی اور سڑک کے اہم چوکوں/راستوں جیسے کہ چورا بگیچہ موڑ،صغریٰ کالج موڑ،بھراؤ پر موڑ، ہسپتال چوراہا، اتواری بازار موڑ، اتواری بازار چوک وغیرہ کو ٹریفک جام سے نجات ملے گی۔پرانی رانچی روڈ چوڑا ہونے سے عام عوام کو جام سے بھی نجات ملے گی اور پوری سہولیت محسوس ہوگی۔
