صادق شروانی
نئی دہلی ،سماج نیوز سروس:سنٹرل بورڈ آف ایجوکیشن (سی بی ایس ای) نے آج دسویں کلاس کے نتائج کا اعلان کر دیا ۔جہاں ایک طرف دہلی میں گذشتہ سال کے مقابلے میں اس مرتبہ کامیابی کے نتائج میں اضافہ ہوا ہے تو وہیں اردو میڈیم اسکولوں نے بھی اپنے گذشتہ سال کے مقابلے اس سال کافی اچھا رزلٹ دیا ہے۔اینگلو عربک سینئر سیکنڈری اسکول اجمیری گیٹ میں گذشتہ سال کے مقابلے اس مرتبہ کافی اچھا رزلٹ رہا ہے۔تو وہیں ڈاکٹر ذاکر حسین میموریل سینئر سیکنڈری اسکول جعفرآباد میں گذشتہ سال جہاں دسویں کلاس کے نتائج 87 فیصد تھا اور اس مرتبہ 90فیصد حاصل کرنے میں کامیاب ہوا ہے۔ اسکول کے پرنسپل ریاض الحسن خان نے بتایا کہ اس سال ہمارے اسکول میں کل 200طلبا طالبات نے امتحان میں شرکت کی تھی جس میں 180بچوں نے کامیابی حاصل کی۔جبکہ 20 بچے کمپارٹمنٹ آئے ہیں۔ انھوں نے خوشی کا اظہار کرتے ہوئے کہا کہ خاص بات یہ ہے کہ ہمارے بچوں نے بڑی تعداد میں Distinction حاصل کیا ہے یعنی فرسٹ پوزیشن سے زیادہ نمبر حاصل کرنے والے طلبا کی اچھی خاصی تعداد ہے۔ ہمارے اسکول کا رزلٹ ہمیشہ کی طرح بہتر رہا ہے۔تو وہیں زینت محل سرودیہ بال ودھالیہ جعفرآباد کے نتائج میں بھی ایک بڑا سدھا دیکھنے کو ملا ہے۔ گذشتہ سال اسکول کا رزلٹ جہاں 67 فیصد تھا تو وہیں اس مرتبہ 97.8 فیصد ہے جو نہ صرف جعفرآباد اسکول سیکنڈ شفٹ نے جمنا پار بلکہ تمام دہلی میں ایک اونچی چھلانگ لگائی ہے۔ اسکول کے پرنسپل تسلیم احمد نے بتایا کہ اس کے لیے میں اسکول کے تمام طلبا اساتذہ اور اسٹاف کو مبارکباد دیتا ہوں اور وہ امید کرتا ہوں کہ آئندہ بھی اسکول کے نتائج کو بہتر بنانے کے لیے محنت کرتے رہیں گے۔ انہوں نے بتایا کہ اس سال کل 554 طلبانے امتحان میں شرکت کی جس میں سے 542 لڑکے پاس ہوئے۔ 11طلبا کی کمپارٹمنٹ آئی ہے۔ گذشتہ سال کے نتائج کی بات کریں تو کل 597طلبا نے امتحان میں شرکت کی تھی جس میں 400 طلبا کامیاب ہوئے تھے۔ 195 طلبا کمپارٹمنٹ اور 2 بچے فیل تھے۔ یہاں یہ بتانا ضروری ہے کہ تسلیم احمد نے جعفرآباد سرودیہ بال ودھالیہ میں بطور پرنسپل 20 جون 2023 کو عہدہ سنبھالا تھا اور محض 3 سال میں اسکول کے نتائج کو 97.8 فیصد تک پہنچا دیا ہے۔ زینت محل سینئر سیکنڈر اسکول اردو میڈیم جعفرآبادکی بات کریں تو یہاں بھی کامیابی کے نتائج میں سدھار دیکھنے کو ملا ہے۔ اسکول کی وائس پرنسپل راجیش چوہان نے بتایا کہ گذشتہ سال ہمارے اسکول کا 82.97 فیصد رزلٹ تھا جو اس سال بڑھ کر 92.46 ہوگیا ہے۔ ہمارے اسکول کی کل 677طلبا نے امتحان میں شرکت کی جس میں 51 لڑکیوں کی کمپارٹمنٹ آئی ہے جبکہ فیل کوئی نہیں تو وہیں گذشہ سال کل658 طالبات نے شرکت کی جس میں 546 لڑکیوں نے کامیابی حاصل کی تھی۔ 111 طالبات کی کمپارٹمنٹ آئی اور ایک لڑکی فیل ہو گئی تھی۔
