نئی دہلی، ملک میں گزشتہ 24 گھنٹے کے دوران کورونا انفیکشن کے ایک سو 64 نئے معاملے سامنے آئے ہیں اور اسی عرصے میں 83 فعال معاملات میں کمی کے بعد ان کی تعداد کم ہو کر تین ہزار 608 پر آ گئی ہے ۔مرکزی وزارت صحت اور خاندانی بہبود نے ہفتہ کو کہا کہ صبح 7 بجے تک 219.99 کروڑ سے زیادہ ویکسین دی گئی ہیں۔وزارت نے کہا کہ گزشتہ 24 گھنٹے میں کورونا انفیکشن کے دو سو 46 افراد کے صحت یاب ہونے سے کل تعداد بڑھ کر44141501 ہو گئی ہے ۔ ملک میں صحت یابی کی شرح 98.80 فیصد ہے ۔ فعال کیسز کی شرح 0.1 فیصد ہے ۔ اسی عرصے میں کورونا وبا کے انفیکشن سے ایک مریض کی موت کے بعد اموات کی تعداد 530667 ہو گئی ہے اور شرح اموات 1.19 فیصد ہے ۔گزشتہ 24 گھنٹے میں تین ریاستوں اور ایک مرکز کے زیر انتظام علاقے میں کورونا کے نئے کیسز سامنے آئے ہیں اور دیگر ریاستوں اور مرکز کے زیر انتظام علاقوں میں ایکٹیو کیسز کم ہوئے ہیں۔قومی دارالحکومت میں کورونا انفیکشن کے ایک فعال معاملے میں اضافے کی وجہ سے ان کی کل تعداد 21 ہو گئی ہے ۔ اس بیماری سے چھٹکارا پانے والوں کی تعداد 1980523 ہوگئی ہے ۔ ریاست میں مرنے والوں کی تعداد 26519 ہے ۔کیرالہ میں 30 فعال کیسوں کی کمی کے ساتھ، ان کی کل تعداد 1434 پر آ گئی ہے ۔ کورونا وبا سے صحت یاب ہونے والوں کی تعداد بڑھ کر 6754540 اور جاں بحق ہونے والوں کی تعداد 71530 ہو گئی ہے ۔کرناٹک میں کورونا انفیکشن کے 22 فعال کیسوں کی کمی کے ساتھ ان کی کل تعداد 1371 پر آ گئی ہے ۔ اس سے نجات پانے والوں کی کل تعداد بڑھ کر4029966 ہوگئی ہے اور اموات کی تعداد 40307 پر مستحکم ہے ۔مہاراشٹر میں پانچ فعال کیسز کم ہو کر 165 ہو گئے ہیں۔ اس دوران 36 افراد کی صحت یابی کے بعد اس سے نجات پانے والوں کی کل تعداد بڑھ کر7987731 تک پہنچ گئی ہے ۔ ریاست میں مرنے والوں کی تعداد 1,48,410 ہو گئی ہے ۔راجستھان میں کورونا کے پانچ ایکٹو کیسز کے اضافے کے ساتھ ان کی کل تعداد 78 ہو گئی ہے ۔ اس وبا سے صحت یاب ہونے والوں کی کل تعداد 1305619 ہو گئی ہے اور مرنے والوں کی تعداد 9653 پر برقرارہے ۔مغربی بنگال میں کورونا کے پانچ کیسز کے اضافے کے ساتھ ہی ان کی تعداد 51 ہو گئی ہے اور اس کے ساتھ ہی اب تک 2096964 لوگ کورونا سے صحت یاب ہو چکے ہیں جب کہ مرنے والوں کی تعداد 21,531 تک پہنچ گئی ہے ۔تلنگانہ میں کورونا انفیکشن کے 12 کیسز میں کمی کے ساتھ ان کی تعداد کم ہو کر 45 ہو گئی ہے ۔ اس وبا سے صحت یاب ہونے والوں کی تعداد بڑھ کر 837071 اورہلاکتوں 4111 ہے ۔راحت کی بات یہ ہے کہ مرکز کے زیر انتظام علاقوں انڈمان اور نکوبار جزائر، آسام، دادرا اور نگر حویلی، دمن اور دیو، لکشدیپ، جھارکھنڈ، لداخ، ناگالینڈ اور تریپورہ میں کورونا کا ایک بھی فعال کیس نہیں ہے ۔ اس کے علاوہ 14 ریاستوں اور مرکز کے زیر انتظام علاقوں میں کورونا کا کوئی نیا فعال کیس سامنے نہیں آیا ہے ۔
