بلند شہر: نہر و یووا کیندر کی جانب سے خورجہ روڈ وا قع ویبھو انسٹی ٹیو ٹ آف مینجمنٹ ٹکنا لوجی میں وزیر اعظم کے پانچ پران پر مبنی یو تھ فیسٹیول 2047کا انعقاد کیا جارہا ہے ۔ جمعہ کو وکاس بھون میں تمام محکموں کے افسران کے ہمراہ میٹنگ کرکے سی ڈی او کلدیپ مینانے ضروری احکامات دیتے ہوئے فیسٹیول کو کامیا ب بنا نے کی درخواست کی ۔بتایا گیاکہ فیسٹیول میں پانچ قسم کے مقا بلوں جس میں یو تھ پینٹنگ ؍ پینٹنگ مقابلہ (واحد زمرہ)، نوجوان شاعری لکھنے والا مقابلہ (واحد زمرہ)، شعری تقریری مقابلہ ( واحد زمرہ)، موبائل فوٹوگرافی مقابلہ (واحد زمرہ) اور فاتحین کو ثقافتی پروگرام (گروپ کیٹیگری) کے تحت پہلا، دوسرااور تیسرا انعام دیا جائے گا۔ اس مو قع پر ضلع سطحی مختلف سر کاری محکموں کی نمائش بھی لگائی جائے گی ۔مقابلے کیلئے مقررہ اہلیت کے تحت شرکاء کی عمر 1 اپریل 2022 کو 15 سے 29 سال کے درمیان ہونی چاہیے۔مقا بلے میں حصہ لینے والا ضلع بلند شہر کا رہنے والا ہونا چاہیے۔امیدواروںکا رجسٹریشن مقررہ تاریخ تک کرایاجائے۔تمام مقابلوں کی تھیم ۔پنچ پران ہوگی۔صرف ثقافتی پروگرام کی تھیم لوک فن اور ثقافت پر مبنی ہوگا۔ تقریری اور نوجوان مصنف مقابلے کیلئے زبان کا ذریعہ ہندی یاانگریزی ہو گا اور شاعری خو د ساختہ ہونی چاہیے۔ سا ل 2016سے 2022 میں نہرو یووا کیندر بلند شہر کے ذریعہ منعقدہ تقر یری مقا بلہ میں فا تح رہ چکے وہ اس فیسٹیول میں حصہ نہیں لے سکیں گے ۔اس موقع پر نہرو یوا کیندر بلندشہر کے ضلع یوتھ آفیسر آکرش دیکشٹ، ڈسٹرکٹ انفارمیشن آفیسر چاندمیا صدیقی، ڈسٹرکٹ پروگرام آفیسر ہری او م واجپئی، ایس ڈی او محکمہ جنگلات رادھے شیام، سرکردہ بینک منیجر ابھیشیک گپتا، پروجیکٹ آفیسر امت پاٹھک وغیرہ موجود رہے ۔
