نئی دہلی،17نومبر،پریس ریلیز،ہمارا سماج:مدرسہ باب العلوم میں مدارس کے طلباءکو جیکٹ تقسیم کی گئیں۔اس موقع پر مولانا محمد داؤد امینی نے معاونین مدرسہ کا شکریہ اداکرتے ہوئے کہا کہ غریب ونادارطلباءاور محتاجوں کی ضرورت کا خیال رکھنا اور ان کی مدد کرنا ایک اچھے انسان اور مومنانہ صفات میں سے ہے۔انھوں نے کہا کہ نادروغرباءطلباءکےلئے اورمیوات فساد متاثرین کے لئے صاحب خیر کی جانب سے کی گئی جدوجہد کو اللہ تعالیٰ قبول فرمائے۔ مولانا امینی نے آئندہ موسم میںسردی کا حوالہ دیتے ہوئے کہا کہ اپنے اطراف میں توجہ کریںکہ کوئی غریب اور مستحق آدمی ہماری غفلت اور عدم توجہ کی وجہ سے سردی کے موسم میں لاوارث نہ رہ جائیں ،ان کا خیال رکھیں اور اس سردی کے موسم میں ان کے لئے گرم کپڑے ،جیکٹس،کمبل اور لحافوں سمیت دیگر ضروری اشیا کا بھی خیال رکھیں۔انھوں نے مزید کہا کہ اللہ کے راستے میں اگر انسان ایک روپیہ خرچ کرتاہے تو اللہ تعالیٰ فرماتے ہیں کہ وہ انھیں دس گنا عطا کریں گے اور اللہ تعالی کی ذات تو بے نیاز ہے اگر کسی صدقہ وخیرات اور اللہ کے راستے میں اورمہمانانِ رسول پرخرچ کرنے کا عمل اللہ تعالیٰ کو پسند آگیا تو نہ جانے کتنا گنا اجر عطاکردیں اور دنیا وآخرت دونوں جہاں میں کامیابی سے ہمکنار کردیں۔قابل ذکر ہے کہ مولانا محمد داؤد امینی مہتمم مدرسہ باب العلوم نے کہا کہ سبھی ذمہ داران مدارس اور ائمہ کرام مدرسہ کے طلباءاور اساتذہ کی پریشانیوں میں مدد کریں اور ان کی ضروریات زندگی میں خصوصی طورپر شریک ہوں، یہ لوگ اپنی پریشانی کا اظہار نہیں کرتے خود اپنے حالات سے مقابلہ کرتے ہیں، اس طرح کے لوگوں کی مدد کرنے سے دینی امور کو فروغ ملتاہے۔قابل ذکرہے کہ مولانا محمد داؤدامینی نے بتایاکہ سردی کے پیش نظرمدرسہ ہذا کے طلباکو اور میوات کے کئی مدارس کے طلبا اور حال میں برپا ہوئے فرقہ وارانہ فساد متاثرین کو سیکڑوں کی تعداد میں جیکٹس تقسیم کئے گئے۔انھوں نے بتایا کہ سبھی محصولین نے صاحب خیرکو دعاؤں سے نوازااور ان کودنیا وآخرت دونوں جہاں میں کامیابی وکامرانی کی دعادی۔بتادیں کہ اس سے پہلے میوات کے کئی مدارس میں اور میوات کے فسادات متاثرین کو بھی مولانا محمد داؤد امینی کی نگرانی میں جیکٹس تقسیم کی گئیں۔اس موقع پر مولانا اویس احمد،مفتی محمد صادق قاسمی، مفتی محمد آصف، قاری محمد اسعد، قاری محمد ارشاد صدیقی،قاری محمد کلام اللہ،حافظ سہراب،حافظ ثناءاللہ جملہ اسٹاف موجود رہا۔
