ناگپو،14؍دسمبر،، ہمارا سماج: آج یہاں جمعیۃ علماء مہا راشٹر کے صوبائی صدرمولانا حافظ محمد ندیم صدیقی صاحب کی قیادت میں صو بے کے ایک40رکنی موقر وفد نے نائب وزیر اعلی مہا راشٹر اجیت دادا پوار صاحب سےرات ۸؍بجے ان کی رہائش گاہ وجے گڑھ میں ملاقات کی اور اقلیتوں کی فلاح و بہبود کے لئے کئے گئے حالیہ اقدامات اور فیصلوں مثلاً مولانا آزاد اکنامک ڈیولپمنٹ کارپوریشن کے شیئر کیپٹل کو 700 کروڑ روپے سے بڑھا کر 1000 کروڑ کرنے، کارپوریشن سے قرض کی ضمانت کو 50 کروڑ سے بڑھا کر 500 کروڑ کرنے، تعلیمی قرض کو 30 کروڑ سے بڑھا کر 500 کروڑ کرنے، وقف بورڈ کے مسائل کے حل کے کمیٹی تشکیل دینے پر مبارکباد پیش کی اور کہا کہ 31؍اگست 2023 کو دیوگیری بنگلہ ملبار ہل ممبئی، ایسے ہی 21 ستمبر 2023کوڈپٹی چیف منسٹرسے منترالیہ کی وزارت ہال میں منعقدہ ہماری میٹنگ اور اس میں پیش کئے گئے مطالبات میں سے چند اہم مطالبات کو منظور کیا ہے جس کے لئے ہم آپ کا تہہ دل سے شکریہ ادا کرتے ہیں اور امید کرتے ہیں کہ جمعیۃ علماء کی جانب سے کئے گئے دیگر مطالبات کو عملی جامہ پہنانے کی ہر ممکن کوشش کریں گے۔
اس موقع پر جمعیۃ علماء مہاراشٹر کے صدر مولانا حافظ محمد ندیم صدیقی صاحب نے 5 فیصد مسلم ریزرویشن کو بحال کرنے، میناریٹی کے لئے جاری کردہ فنڈس کی سوفیصد تقسیم کویقینی بنانے کے لئے میناریٹی ڈائرکٹری قائم کرنے، انا صاحب پاٹل فائنانس ڈیولپمنٹ کارپوریشن کی طرح تمام اسکل ڈیولپمنٹ، تعلیمی اسکیموں کو شامل کر نے، مراٹھا سماج کے طرز پر سماجی و اقتصادی پسماندہ مسلمانوں کے لیے راجیشری شاہو شیشیاورتی بنانےکے تحت کم از کم 75 فیصدفیس کی واپسی کا نظم کرنے ۔اسی طرح پسماندہ مسلمانوں کے لیے بارٹی، سارٹی اورمہا جیوتی کے طرز پر اسکیم بنائے جانے ۔جیسے اہم مسائل کی تکمیل کی طرف نائب وزیر اعلیٰ کی توجہ مبذول کرائی جس پر نائب وزیر اعلیٰ نے جمعیۃ علماء مہاراشٹر کی جانب سے کئے گئے جملہ مطالبات کو جلد از جلد حل کرنے کا تیقن دیا۔
اس میٹنگ میںنائب وزیر اعلیٰ اجیت دادا پوارصاحب، جمعیۃ علماء مہاراشٹر کےریاستی صدرمولانا حافظ ندیم صدیقی صاحب، ریاستی صدر ایم پی سنیل ٹٹکرے صاحب، مفتی محمد روشن شاہ قاسمی صاحب، ریاستی نائب صدر سنجے کھوڈکے صاحب سمیت مولانا محمد سراج صاحب ،مولانا وصی اللہ صاحب،مفتی ذکراللہ صاحب ،مولانا صدرالدین صاحب،مولانا محمد تسلیم صاحب، حافظ عبدالحمید صاحب، مولانا آصف صاحب، مولانا محمد ریحان صاحب،مولانا محمد توصیف صاحب،مولانا عبداللہ صاحب،مفتی ذاکرالدین صاحب،مفتی ذکی اللہ خان صاحب، مفتی محمد اعجاز صاحب، محمد وسیم صاحب، مولانا محمد اظہر صاحب،مولانا محمد ندیم صاحب،محمد سلیم صاحب، امتیاز مومن صاحب، حافظ ریاض الدین صاحب ، محمدفاروق صاحب، محمدعتیق ثانی صاحب کامٹی، عبدالمعبود صاحب ،مفتی محمد ساجد صاحب، حافظ ابرار صاحب ، شیخ امجد صاحب، محمد رضوان صاحب، مولانا عتیق الرحمن صاحب ، قاری برکت بیگ صاحب، حافظ محمد عرفان صاحب، مولانا اظہر قاسمی صاحب،مولانا نجم الدین صاحب، حافظ نوید صاحب، عابد حسین صاحب اور اضلاع سے تشریف لائے اراکین و محبین جمعیۃ شامل تھے۔
