’مودی کا ہندوستان‘دھوکہ بازوں کی پناہ گاہ ہے: ایس ڈی پی آئی

نئی دہلی،پریس ریلیز،ہمارا سماج: سوشیل ڈیموکریٹک پارٹی آف انڈیا (SDPI) کے قومی نائب صدر محمد شفیع نے اپنے جاری کردہ اخباری بیان میں کہاہے کہ مودی کا ہندوستان دھوکہ بازوں کیلئے پناہ گاہ ہے۔ اڈانی کا کوئلہ گھوٹالہ ان بہت سے مثالوں میں ایک ہے جو نریندر مودی کے قریبی لوگوں کو اپنے سودوں میں چاہے وہ غیر قانونی ہوں یا دھوکہ دہی والے سودے ہوں استشنی حاصل ہے۔ تمل ناڈو جنریشن اینڈ ڈسٹری بیوشن کارپویشن (TNGDC) پبلک سیکٹر کوکو اڈانی گروپ کی جانب سے انتہائی مہنگے داموں میں کم کوالٹی کے کوئلے کی فروخت کرنا نہ صر ف منافع بخش سودا ہے بلکہ کھلی دھوکہ دہی ہے۔ مصدقہ اطلاعات کے مطابق، اڈانی گروپ نے انڈونیشیا سے تقریبا 3,500کیلوریز فی کلو گرام کی توانائی والے کوئلے کو فی میٹر ک ٹن $28ڈالر کی قیمت پر خریدا تھا اور انہوںن ے تمل ناڈو کی پاور کمپنی کو $91ڈالر فی میٹرک ٹن کے حساب سے فروخت کیا اور دعوی کیا تھا کہ کوئلے کی توانائی 6,000کیلوریز فی کلو گرام ہے۔ جو کہ بہت اعلی درجے کا کوئلہ ہے۔ سال 2014سے اب تک کم از کم دو درجن کھیپیں تمل ناڈو پبلک سیکٹر کمپنی کو فروخت کی جاچکی ہیں۔ اڈانی کو اس میں جو منافع ہوا ہے اس کو ایک طرف رکھیں، اس معاہدے سے ماحولیات پر تباہ کن اثر ہوگا ، کیونکہ کم درجے کاکوئلہ پاور پلانٹس میں استعمال کئے جانے پر زیادہ مقدار میں راکھ پیدا کرتا ہے اور اس میں سے بجلی پیدا کرنے کیلئے زیادہ مقدار میں استعمال کرنے کی ضرورت ہوتی ہے۔ جس کے نتیجے میں آلودگی پھیلانے والے اخراج کی زیادہ مقدار ہوتی ہے اور اس سے ہونے والے” قدرتی آفتـ” کا شکار عام آدمی ہوتا ہے۔ ایس ڈی پی آئی قومی نائب صدر محمد شفیع نے اس بات کی طر ف خصوصی نشاندہی کرتے ہوئے کہا ہے کہ ابھی حال ہی میں سپریم کورٹ نے مودی کے ایک اور حامی بابا رام دیو کی ملکیت والی پتانجلی کے گمراہ کن اشتہارات کو واپس لینے کا حکم دیا ہے جو 2014سے مودی کی حفاظت میں اپنی کم معیار کے مصنوعات سے عوام کو دھوکہ دیتے آ رہے ہیں۔2014کے بعد کاہندوستان مودی کے قریبی دھوکہ بازوںکی پناہ گا ہ بنا ہوا ہے۔