بلند شہر، سماج نیوز سروس: جہانگیر آباد ٹاؤن میں واقع بینک میں تعینات منیجر کو اس کی بیوی نے دوسری خاتون کے ساتھ رنگے ہاتھوں پکڑ لیا۔ گھر کا دروازہ نہ کھلنے پر حاتون نے ہنگامہ کھڑا کردیا۔ ہنگامہ آرائی کی اطلاع ملتے ہی تھانہ پولیس بھی موقع پر پہنچ گئی۔ بعد ازاں ملزم شوہر دوسرے راستے سے فرار ہوگیا۔ متاثرہ نے بتایا کہ ملزم شوہر اس سے الگ رہتا ہے، نہ اس کا خرچہ دیتا ہے اور نہ ہی اسے طلاق دے رہا ہے۔ متاثرہ نے ملزم کے خلاف کارروائی کا مطالبہ کیا ہے۔اطلاع کے مطا بق غازی آباد کی رہنے والی متاثرہ خاتون نے پو لیس میں تحریر دیتے ہوئے بتایاکہ اس کی شادی تقریبا دس سال قبل خورجہ تھانہ علاقہ کے گاؤں فیروز پور ساکن نوجوان سے ہوئی تھی۔ ملزم شوہر اس وقت جہانگیر آباد برانچ میں بینک منیجر کے عہدے پر تعینات ہے۔ الزام ہے کہ متاثرہ نے شادی کے بعد لڑکی کو جنم دیا۔ لیکن اس کے شوہر نے اسے گھر سے نکال دیا۔ تب سے وہ اپنی بیٹی کے ساتھ اپنے میکے میں رہ رہی تھی۔ منگل کی شام متاثرہ اپنی سات سالہ بیٹی کے ساتھ جہانگیر آباد پہنچی۔ اس نے شوہر کے گھر پہنچ کر شوہر کو دوسری عورت کے ساتھ رنگے ہاتھوں پکڑ لیا۔اس کے بعد کافی دیر تک ہنگامہ ہوتا رہا۔ ہنگامے کی اطلاع پر پو لیس بھی مو قع پر پہنچ گئی ۔ متاثرہ خاتون پولیس سے گھر کا دروازہ کھلوانے کا مطالبہ کرتی رہی۔ اسی دوران بینک منیجر وہاں سے فرارہوگیا۔ متاثرہ خاتون کا الزام ہے کہ اس کے شوہر نے نہ تو اسے طلاق دی ہے اور نہ ہی اس کا خرچہ دے رہا ہے۔ ملزم دوسری خاتون کے ساتھ غیر قانونی طور پر رہ رہا ہے۔ اس نے ملزم شوہر کے خلاف کارروائی کا مطالبہ کیا ہے۔ پو لیس اسٹیشن انچارج نے بتایا کہ معاملے کی جانچ کی جارہی ہے، جلد ہی پور ا معا ملے کا راز فاش کیا جائے گا ۔
