سید پرویز قیصر
لیگ اسپنر آسڑیلیا کے شین وارن13 ستمبر1969کو وکٹوریہ کے فرنٹری گلی میں پیدا ہوئے تھے۔ انہوں نے جن 145 ٹسٹ میچوں میں شرکت کی اس میں708وکٹ حاصل کئے۔وہ ٹسٹ کرکٹ میں سب سے زیادہ وکٹ لینے والے لیگ اسپنر اور دوسرے سب سے زیادہ وکٹ حاصل کرنے والے بالر ہیں۔
ٹسٹ کرکٹ میں سب سے زیادہ وکٹ حاصل کرنے والے بالر سری لنکا کے متھیہ مرلی دھرن ہیں جنہوں نے 1992 اور2010 کے درمیان 133 ٹسٹ میچوں کی230 اننگوں میں44039 بالوں پر18180 رن دیکر22.72 کی اوسط اور55.04 کے اسٹرائیک ریٹ کے ساتھ پورے 800 کھلاڑتوں کو آوٹ کیا ہے۔ انہوں نے67 مرتبہ ایک اننگ میں پانچ یا اس سے زیادہ وکٹ اور 22مرتبہ ایک میچ میں دس یا اس سے زیادہ کھلاڑیوں کو آوٹ کیا ہے۔ایسا کسی اور بالر نے ابھی تک ایسا نہیں کیا ہے۔ٹسٹ کرکٹ میں انکی سب سے اچھی بالنگ40 اوور میں51 رن دیکر نو وکٹ ہے جو انہوں نے زمبابوے کے خلاف کینڈی میں جنوری2002 میں انجام دی تھی۔ ایک ٹسٹ میں انکی سب سے اچھی بالنگ کارکردگی113.5اوور میں220 رن دیکر16وکٹ ہے جو انہوں نے انگلینڈ کے خلاف اوول میں اگست1998میں انجام دی تھی۔
شین وارن نے اپنا پہلا ٹسٹ سڈنی میں جنوری1992میںہندوستان کے خلاف کھیلا تھا۔اس ٹسٹ میں انکی کارکردگی بے حد خراب رہی تھی۔ انہوں نے45 اوور میں150رن دیکر صرف ایک کھلاڑی کو آوٹ کیا تھا۔ انگلینڈ کے خلاف جنوری 2007میں اسی مقام پر انہوں نے اپناآخری ٹسٹ کھیلا تھا جس میںوہ 28.4اوور میں92 رن دیکر دو کھلاڑیوں کو آوٹ کرنے میں کامیاب رہے تھے۔
لیگ اسپنر نے , 1992 اور 2007 کے درمیان145 ٹسٹ میچوں کی 273 اننگوں میں40705 بالوں پر17995 رن دیکر2 5.41 کی اوسط اور 57.49کے اسٹرائیک کے ساتھ708 کھلاڑیوں کو آوٹ کیا۔ انہوں نے37 مرتبہ ایک اننگ میں پانچ یا اس سے زیادہ وکٹ اور دس مرتبہ ایک میچ میں دس یا اس سے زیادہ کھلاڑیوں کو آوٹ کیا ہے۔ایک اننگ میں انکی سب سے اچھی بالنگ کارکردگی50.2اوور میں71رن دیکر آٹھ وکٹ ہے جو انہوں نے نومبر1994میں انگلینڈ کے خلاف برسبین میں انجام دی تھی۔ ایک ٹسٹ میں انکی سب سے اچھی بالنگ کارکردگی69 اوور میں 128رن دیکر12 وکٹ ہے جو انہوں نے سڈنی میں جنوبی افریقہ کے خلاف جنوری1994میں انجام دی تھی۔
شین وارن نے1993 اور2005 کے درمیان 194 ایک روزہ بین الاقوامی میچوں کی 191 اننگوں میں10642 بالوں پر7541 رن دیکر25.73 کی اوسط اور 36.32کے اسٹرائیک کے ساتھ293 کھلاڑیوں کو آوٹ کیا۔ انہوں نے12 مرتبہ ایک اننگ میں چار یا اس سے زیادہ وکٹ حاصل کئے ۔ایک اننگ میں انکی سب سے اچھی بالنگ کارکردگی9.3 اوور میں33 رن دیکرپامچ وکٹ ہے جو انہوں نے 8 دسمبر1996کو ویسٹ انڈیز کے خلاف سڈنی میں انجام دی تھی۔
تھائی لینڈ کے کوہ ساموئی میں چھٹیاں گزارتے ہوئے4 مارچ2022 کو شین وارن کا انتقال ہوا تھا ۔اس دن امکی عمر52 سال اور172 دن تھی۔ انکا انتقال دل کا دورہ پرنے سے ہوا تھا۔
