سید پرویز قیصر
اننیا پور میں کھیلے گئے دلیپ ٹرافی کے دوسرے راونڈ کے میچ میں انڈیا سی کی جانب سے کھیلتے ہوئے انڈیا بی کے خلاف انشوؒل کمبوج نے27.5 اوور میں69 رن دیکر آٹھ کھلاڑیوں کو آوٹ کیا جو انکی فرسٹ کلاس کرکٹ میں سب سے اچھی بالنگ کے ساتھ ساتھ دلیپ ٹرافی میں پانچویں سب سے اچھی بالنگ کارکردگی ہے۔
دائیں ہاتھ کے اس تیز بالر نے اس میچ سے پہلے14 فرسٹ کلاس میچوں کی19 اننگوں میں بالنگ کی تھی مگر کسی اننگ میں وہ تین سے زیادہ کھلاڑیوں کو آوٹ کرنے میں کامیاب نہیں ہوئے تھے۔ انکی کارکردگی دلیپ ٹرافی میں کسی تیز بالر کی دوسری سب سے اچھی بالنگ کارکردگی ہے۔ دلیپ ٹرافی میں سب سے اچھی بالنگ کارکردگی کا ریکارڈ دیبا شش موہنتی کے پاس ہے جنہوں نے اگرتلا میںجنوری 2001 میں ایسٹ زون کی نمائندگی کرتے ہوئے ساوتھ زون کے خلاف19 اوور میں46 رن دیکر سبھی دس کھلاڑیوں کو آوٹ کیا تھا۔ دوسری اننگ میں اس تیز بالر نے16 اوور میں45 رن دیکر چار کھلاڑیوں کو آوٹ کیا تھا۔ اس طرح وہ اس میچ میں35 اوور میں91 رن دیکر14 کھلاڑیوں کو آوٹ کرنے میں کامیاب رہے تھے جو دلیپ ٹرافی میں ایک میچ میں سب سے اچھی بالنگ کارکردگی ہے۔ اس میچ میں ایسٹ زون نے چار وکٹ سے جیت اپنے نام کی تھی۔
دلیپ ٹرافی میں ایک اننگ میں دوسری سب سے اچھی بالنگ کرانے کا ریکارڈ بالو گپتے کے پاس ہے جنہوں نے ویسٹ زون کی جانب سے کھیلتے ہوئے ساوتھ زون کے خلاف کولکاتہ میں جنوری1963 کو ہوئے میچ میں آٹھ بال والے 16.6 اوورمیں55 رن دیکر نو کھلاڑیوں کو آوٹ کیا تھا۔ وہ دلیپ ٹرافی میں ایک اننگ میں نو وکٹ لینے والے پہلے بالر تھے۔اس میچ میں ویسٹ زون نے ایک اننگ اور 20 رن سے کامیابی حاصل کی تھی۔ لیگ بریک گگلی بالر نے اس میچ میں آٹھ بال والے40.6 اوور میں127 رن دیکر بارہ کھلاڑیوں کو آوٹ کیا تھا جو تب دلیپ ٹرافی میں ایک میچ میں سب سے اچھی بالنگ کارکردگی تھی اب یہ تیسری سب سے اچھی بالنگ کارکردگی ہے۔
دلیپ ٹرافی میں ایک اننگ مین تیسری سب سے اچھی کا ریکارڈ سوربھ کمار کے پاس ہے جنہوں نے سنٹرل زون کی جانب سے ایسٹ زون کے خلاف جون2023 میں الور میں18.2 اوور میں64 رن دیکر آٹھ کھلاڑیوں کو آوٹ کیا تھا۔ اور اپنی ٹیم کو 170 رن کی جیت دلانے میں ایک اہم کردار ادا کیا تھا۔ بائیں ہاتھ کے اسپنر نے پہلی اننگ میں12 اوور میں46 رن دیکر تین کھلاڑیوں کو آوٹ کیا تھا۔ اس میچ میں وہ30.2 اوور میں110 رن دیکر گیارہ کھلاڑیوں کو آوٹ کرنے میں کامیاب رہے تھے جو اس وقت دلیپ ٹرافی میں ایک میچ میں آتھویں سب سے اچھی بالنگ کارکردگی ہے۔ 49.410 127 11آف بریک بالر ارشد ایوب نے ساوتھ زون کی جانب سے کھیلتے ہوئے نارتھ زون کے خلاف کانپور میں اکتوبر 1987 میں ہوئے میچ میں
26.4 اوور میں65 رن دیکر آتھ کھلاڑیوں کو آوٹ کرنے میں کامیاب رہے تھے جو اب دلیپ ٹرافی میں اس وقت چوتھی سب سے اچھی بالنگ کارکردگی ہے۔ ارشد ایوب نے اس میچ میں49.4 اوور میں127 رن دیکر گیارہ کھلاڑیوں کو آوٹ کیا تھا ۔اتنی اچھی بالنگ کے باوجود ساوتھ زون کو اس میچ میں شکست ہوئی اورنارٹھ زون اس میچ میں149 رن سے فاتح بنی۔
