بنگلورو، (یو این آئی) میٹ ہنری (پانچ وکٹ) اور ولیم اورورک (چار وکٹ) کی جارح گیند بازی کی بدولت نیوزی لینڈ نے بارش سے متاثرہ ٹیسٹ میچ کےدوسرے دن جمعرات کو شروع ہوے میچ میں ہندوستان کو پہلی اننگز میں 46 رن کے معمولی اسکور سمیٹ دیا۔
آج یہاں کے ایم چناسوامی اسٹیڈیم میں ہندوستانی کپتان روہت شرما نے ٹاس جیت کر پہلے بیٹنگ کا فیصلہ کیا۔ بیٹنگ کے لیے آئے ہندوستان کی شروعات بہت خراب رہی اور ساتویں اوور میں کپتان روہت شرما (دو) کو ٹم ساؤتھی نے بولڈ کرکے نیوزی لینڈ کو پہلی کامیابی دلائی۔ اس کے بعد وراٹ کوہلی اور سرفراز خان (0) پویلین لوٹ گئے، اس دوران بارش کے باعث کھیل کچھ دیر کے لیے روک دیا گیا۔ وراٹ کو ولیم او رورک اور سرفراز کو میٹ ہنری نے آؤٹ کیا۔ بارش رکنے کے بعد بلے بازی کے لیے آئے یشسوی جیسوال اور رشبھ پنت نے اننگز پر قابو پانے کی کوشش کی۔ 21 اوورز میں ولیم او رورک نے یشسوی جیسوال (13) کو آؤٹ کرکے پویلین بھیج دیا۔ اس کے بعد ہندوستان کے وکٹ مسلسل گرتے رہے۔ رشبھ پنت نے ٹیم کے لیے سب سے زیادہ (20) رن بنائے۔ صورتحال ایسی تھی کہ نو ہندوستانی بلے باز دوہرے ہندسے تک بھی نہ پہنچ سکے۔ پوری ہندوستانی ٹیم 31.2 اوور میں 46 کے اسکور پر ڈھیر ہو گئی۔
اس کے ساتھ ہی گھریلو پچ پر سب سے کم اسکور بنانے کا 37 سال پرانا ریکارڈ ٹوٹ گیا، اس سے قبل 1987 میں ویسٹ انڈیز کے خلاف دہلی ٹیسٹ میں ہندوستانی ٹیم 75 رن پر آل آؤٹ ہو گئی تھی۔
نیوزی لینڈ کی جانب سے میٹ ہنری نے 15 رن کے عوض پانچ وکٹ حاصل کئے۔ ولیم او رورک نے 22 رن کے عوض چار وکٹ حاصل کئے۔ ٹم ساؤتھی نے ایک بلے باز کو آؤٹ کیا۔
تاد م تحریر نیوزی لینڈ نےتین وکٹ گنوا کر 180رن بنالئے ہیں، جس میں ڈیون کانوے کی نصف سنچری بھی شامل ہے۔
