سید پرویز قیصر
آسڑیلیا سے تعلق رکھنے والے کوپر کنولی پنجاب کنگس کی جانب سے پہلی مرتبہ انڈین پریمیر لیگ میں کھیل رہے ہیں مگر ان کو دیکھ کر یہ نہیں لگتا کر انکی عمر انیس سال ہے ۔ وہ چھکے لگانے کی وجہ سے سرخیوں میں آچکے ہیں۔ انہوں نے ابھی تک جو 13 میچ کھیلے ہیں انکی بارہ اننگوں میں47.30 کی اوسط اور162.54 کے اسٹرائیک ریٹ کے ساتھ ایک سنچری اور دو نصف سنچریوں کی مدد سے473 رن بنائے ہیں جس میں 39 چوکے اور32 چھکے شامل ہیں۔ وہ ایک مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر107 رن ہے جو وہ سن رائزرس حیدرآباد کے خلاف حیدرآباد میں6 مئی2026 کو100 منٹ میں59 بالوں پر سات چوکوں اور آٹھ چھکوں کی مدد سے بنانے میں کامیاب رہے تھے۔ اس میچ میں انکی ٹیم کو33 رن سے کامیابی ملی تھی۔
دھرم شالہ میں رائل چیلنجرس بنگلورو کے خلاف وہ38 منٹ میں22 بالوں پر تین چوکوں اور اتنے ہی چھکوں کی مدد سے37 رن بناکر آوٹ ہوئے۔ اپنی اس اننگ میں تین چھکے لگاکر وہ اندین پریمیر لیگ کے پہلے سیزن میں سب سے زیادہ چھکے لگانے کا ریکارڈ اپنے نام کرلیا۔
ان سے پہلے پہلے سیزن میں سب سے زیادہ چھکے لگا نے کا ریکارڈ سری لنکا کے سنتھ جے سوریہ کے پاس تھا جنہوں نے2008 میں ممبئی انڈینس کی جانب سے14 میچوں کی 14 اننگوں میں43.16 کی اوسط اور167.63 کے اسٹرائیک ریٹ کے ساتھ ایک سنچری اور دو نصف سنچریوں کی مدد سے518رن بنائے تھے جس میں57 چوکے اور31 چھکے شامل تھے۔ ان سے زیادہ چھکے کوئی اور کھلاڑی اس سیزن میں لگانے میں کامیاب نہیں رہا تھا۔ ان کا سب سے زیادہ اسکور آوٹ ہوئے بغیر114 رن رہا تھا جو انہوں نے چنئی سپر کنگس کے خلاف ممبئی میں 14 مئی2008 کو48 بالوں پر نو چوکوں اور گیارہ چھکوں کی مدد سے بنایا تھا۔ اس میچ میںا نکی ٹیم کو نو وکٹ سے جیت حاصل ہوئی تھی۔
آسڑیلیا سے تعلق رکھنے والے جیک فریزر میکگروک نے2024 میں دہلی کیپٹلس کی جانب سے پہلا انڈین پریمیر لیگ سیزن کھیلا تھا جس میں نو میچوں کی نو اننگوں میں وہ36.66 کی اوسط اور234.04 کے اسٹرائیک ریٹ کے ساتھ چار نصف سنچریوں کی مدد سے330 رن بنانے میں کامیاب رہے تھے جس میں 28 چوکے اور28 چھکے شامل تھے۔ انہوں نے دو نصف سنچریاں پندرہ بالوں پر مکمل کی تھی۔
نیوزی لینڈ سے تعلق رکھنے والے کولکاتہ نائیٹ رائیڈرس کے فن ایلن کا بھی موجودہ سیزن انڈین پریمیر لیگ کا پہلا سیزن ہے۔ انہوں نے اس سیزن میں ابھی تک جو نو میچ کھیلے ہیں انکی نو اننگوں میں40.12 کی اوسط اور221.37 کے اسٹرائیک ریٹ کے ساتھ ایک سنچری اور ایک نصف سنچری کی مدد سے321 رن بنائے ہیں جس میں 28 چوکے اور 27 چھکے شامل ہیں۔ وہ ایک مرتبہ بھی صفر کا شکار نہیں ہوئے ہیں اور ان کا سب سے زیادہ اسکور آوٹ ہوئے بغیر پورے سو رن ہیں جو انہوں نے دہلی میں دہلی کیپٹلس کے خلاف 8 مئی2026 کو 65 منٹ میں47 بالوں پر پانچ چوکوں اور دس چھکوں کی مدد سے بنایا تھا اور اپنی ٹیم کو آٹھ وکٹ سے جیت دلائی تھی۔
