نئی دہلی ، دارالحکومت دہلی اور بھارت کے بہار ،اتر پردیش، جھارکھنڈ وغیرہ کے پسماندہ علاقوں کے مدرسوں میں جدید تعلیم کے پروگرامز انٹر نیشنل اویکننگ سینٹر مشہور فلاحی اور سماجی تنظیم کے ذریعہ سے موڈرن ایجوکیشن سے متعلق عربی اور انگریزی زبان سکھانے کی بنیادی کتابیں بڑی مقدار میں تقسیم کی گئیں ، تنظیم کے صدر مجاز مونگیری نے یہ جانکاری دیتے ہوئے کہا کہ یہ پروگرام انگلینڈ( یونایٹیڈ کنگ ڈم )کے بین الاقوامی انسانی فلاح و بہبود کے لیے کام کرنے والی تنظیم سرونگ ہیومنیٹی کے اشتراک سے کیا گیا ہے مجاز مونگیری نے لندن میں واقع سرونگ ہیومنیٹی کے ہیڈ آفس کے ڈایریکٹر شاکر حسیب کا شکریہ ادا کرتے ہوئے کہا کہ وہ ہندوستانی مسلمانوں کے سچے خیر خواہ ہیں جن کا مقصد ہندوستان کے پچھڑے نادار بچوں کی جدید تعلیم کے لئے کوشش کرنا اور ان کی مدد کرنا ہے . سرونگ ہیومنیٹی ہندوستان میں ضرورت مند مسلموں کے لئے عیدالضحیٰ کے موقع پر بڑے پیمانے پر قربانی کا اہتمام بھی کراتی ہے ۔مشہور اسلامی اسکالر مفتی عبدالواحد قاسمی صدر ولی اللہی دارالافتاء والقضاء وآن لائن فتویٰ دہلی اور ماہر اسلامیات ڈاکٹر پروفیسر مفتی آصف اقبال قاسمی نے مشترکہ طور پر جانکاری دیتے ہوئے کہا کہ انٹر نیشنل اویکننگ سینٹر کو اصغر علی امام مہدی سلفی امیر مرکزی جمعیت اہل حدیث ، عزیر احمد قاسمی صدر مرکزی جمعیت علماء ہند ، علی اختر امان اللہ استاد جامعہ ریاض العلوم اور دہلی جامع مسجد کے شاہی امام احمد بخاری کے خاص صلاح کار، محمد شمیم اختر صدر ہاجرہ گرلس اسکول ، ڈاکٹر ظفر الاسلام خان سابق چیئر مین دہلی اقلیتی کمیشن جیسے معزز شخصیات کی تصدیقات مذکورہ تنظیم کو حاصل ہیں۔ مشہور اسلامی شخصیت ولی اللہی دارالافتاء والقضاء وآن لائن فتویٰ دہلی کے صدر مفتی عبدالواحد قاسمی اور ماہر اسلامیات ڈاکٹر مفتی آصف اقبال قاسمی صدر اسلامک ریسرچ اینڈ ویلفیئر فاؤنڈیشن جنہیں سابق صدر جمہوریہ ہند رام ناتھ کووند کے ہاتھوں ایک انٹر نیشنل بین المذاھب سمیلن میں مسلم سماج کے نمائندہ شخصیات کے طور پر اعزاز سے نوازا گیا ۔دونوں اسلامی اسکالر نے انٹر نیشنل اویکننگ سینٹر کے صدر مجاز مونگیری کے انسانیت وسماجی کاموں کی تصدیق کرتے ہوئے کہا کہ وہ پچھلے کئ سالوں سے ملک کی قومی یکجہتی ،بھائ چارگی اور عوام کی بہتری کے لیے کام کررہے ہیں ۔ انہوں نے مزید کہا کہ مجاز مونگیری کے ذریعہ پیغمبر حضرت عیسیٰ علیہ السلام پر لکھے ناول کی مغربی ممالک میں اچھی مقبولیت ہورہی ہے جس کی آمدنی تنظیم اور قوم و ملت کے کام آرہی ہے ،غور طلب ہے کہ مذکورہ تنظیم بھارت کے تمام دھرموں کے پسماندہ طبقات کے لئے بھی کام کررہی ہے ۔
