بہارشریف (ایم ایم عالم) محکمہ ڈاک نے نالندہ ضلع کے پرول پور بلاک کے تحت شنکرڈیہ گاؤں میں ایک عظیم الشان ڈاک چوپال کا اہتمام کیا۔ پروگرام کا بنیادی مقصد دیہی آبادی کو محکمہ ڈاک کی عوامی بہبود کی اسکیموں سے جوڑنا اور انہیں مالی طور پر بااختیار بنانا تھا۔سینکڑوں دیہاتیوں،خواتین اور بچوں نے جوش و خروش سے ڈاک چوپال میں حصہ لیا اور مختلف اسکیموں کے بارے میں معلومات حاصل کیں۔پروگرام کے مہمان خصوصی پوسٹ سپرنٹنڈنٹ کندن کمار نے کہا کہ محکمہ ڈاک عام لوگوں کو قابل رسائی،شفاف اور قابل اعتماد خدمات فراہم کرتا ہے۔انہوں نے وضاحت کی کہ پوسٹ آفس اب صرف خط کی ترسیل تک محدود نہیں رہا۔یہ بچت کھاتوں،سوکنیا سمردھی یوجنا،ریکرنگ ڈپازٹس،ٹائم ڈپازٹس،پوسٹل لائف انشورنس،آدھار اور بینکنگ خدمات کا ایک طاقتور مرکز بن گیا ہے۔انہوں نے کہا کہ ڈاک چوپال کے ذریعے دیہی علاقوں میں معاشی بااختیاری کو فروغ دیا جا رہا ہے۔اس موقع پر پوسٹل انسپکٹر وکاس رائے،رنجیت کمار اور سب ڈویژنل پوسٹل انسپکٹر رامشیش کمار نے بھی حاضرین کو محکمہ ڈاک کی مختلف اسکیموں سے آگاہ کیا۔مقررین نے سوکنیا سمردھی یوجنا کو لڑکیوں کے روشن مستقبل کے لیے انتہائی فائدہ مند قرار دیا۔اس تقریب میں ضلع کونسل کے ممبر ادےانندن پرساد،چیف کونسلر رام رکشا پرساد اور ڈپٹی چیف کونسلر اکشے کمار نے ڈاک چوپال کی تعریف کرتے ہوئے اسے دیہی مفاد میں ایک قابل ستائش اقدام قرار دیا۔ڈاک چوپال کے دوران کئی گاؤں والوں کے لیے اکاؤنٹ کھولے گئے اور تین لڑکیوں کو سکنیا سمردھی یوجنا کے تحت پاس بکس بھی فراہم کی گئیں۔پروگرام کی نظامت پوسٹل انسپکٹر سدانند پرساد نے کی۔ڈاک چوپال کی کامیاب تنظیم میں منوج کمار،مکیش کمار،کوشل کشور سنگھ،راکیش کمار،سشما کمار،سمن کمار،سنتو کمار اور پریم کمار سمیت دیگر ڈاک ملازمین نے اہم کردار ادا کیا۔
