نئی دہلی، پریس ریلیز،ہماراسماج: ایک مینار جامع مسجد للیتاپارک لکشمی نگر دہلی میں بعد نمازِ ظہر محفل قرآن کا انعقاد کیاگیا جس کی نظامت ایک مینار جامع مسجد للیتاپارک کے خطیب مفتی عبدالواحد قاسمی نے کی جبکہ ایران کلچر ہاؤس نئی دہلی میں مسابقات قرآنی کے صدر قاری یاسین صاحب نے مہمانوں کا تعارف کرایا، محفل قرآن کریم کا آغاز بین الاقوامی شہرت یافتہ ایرانی قاری علی شکفتہ نے اپنے اپنی سحر انگیز وآواز منفرد انداز میں تلاوت قرآن سے سامعین پر سکتہ طاری کردیا وہیں دوسرے بین الاقوامی قاری محمد جمالہ ایرانی نے بھی تلاوتِ کلامِ الٰہی سے سامعین کے قلوب کو نورانی بنا دیا، سامعین بڑی دیر تک نہایت سنجیدگی کے ساتھ تلاوتِ قرآنِ حکیم سے محظوظ ہوتے رہے، آخر میں مسجد کمیٹی کی طرف سے دونوں انٹرنیشنل قاری حضرات کا استقبال کیا گیا نیز ان کی قرآنی خدمات کی بناء پر انہیں ایک اعزازی سند سے بھی نوازا گیا، مسجد کمیٹی کے سرپرست شہروز طارق رضاء ، حاجی سلیم صاحبان و کمیٹی کے دیگر ذمّہ داران نے مہمانوں کا شکریہ اداکرتے ہوئے کہا کہ کہ اس طرح کی قرآنی محفلین ہوتی رہنی چاہئیں آخر میں مسجد کے خطیب مفتی عبدالواحد قاسمی کی دعاء پر مجلس کا اختتام ہوا ۔
