دیوبند، عاز مین حج 2023 کیلئے شیخ الہندھال عیدگاہ روڑ پر ایک روزہ ٹیکہ کیمپ منعقد کیا گیا۔ ٹیکہ کیمپ میں صبح 10 ؍ بجے سے شام 4 بجے تک 120 سے زائد عازمین کو کواڈری ویلینٹ، میننجائس اور اورل پولیو خوراک کے علاوہ آرٹی پی سی آر ٹیسٹ کئے گئے ۔ سی – ایم – او آفس سہارنپور کی جانب سے جاری پریس ریلیز کے مطابق عازمین حج کے ویکسینیشن کے لئے مؤرخہ 19 ؍ مئی بروز جمعہ ایک ٹیکہ کیمپ شیخ الہند ہال میں منعقد کیا گیا۔ سہارنپور اور دیوبند کی مشترکہ میڈیکل ٹیم جوکہ ڈاٹا منیجر مہتاب عالم میڈیکل آفیسر سدھانشو سنگھل ، دھر میندر سنگھ، لیب ٹیکنیشن امیتا، فارماسسٹ اسرار احمد ،اسٹاف نرس پرپتی سنگھ ، نشی بھار دواج اے- این- ایم- پونم تیاگی ، امت کمار لیب ٹیکنیشین صونوکمار اور عبد الستار پر مشتمل تھی، میڈیکل ٹیم نے پورے جذبہ اور تعاون نیز عقیدت کے ساتھ عازمین کا – آر- ٹی – پی- سی – آر ٹیسٹ کرنے ساتھ ضروری ویکسین دیئے ۔ اس موقع پر میڈیکل آفیسر سدھانشو سنگھل اور ڈاٹا منیجر مہتاب عالم نے عازمین کوبتایا کہ سفر حج کے دوران تمام عازمین کاصحت مند رہنا نہایت ضروری ہے اسی غرض سے آج عازمین کو حفاظتی ٹیکے لگائے گئے ، انہوں نے کہا کہ ویکسین سرٹیفکیٹ اپنے ساتھ رکھنانہایت ضروری ہے کیوںکہ سفر حج کے دوران کسی وقت بھی آپ کا سرٹیفکیٹ چیک کیاجاسکتا ہے ۔ انہوں نے بتایا کہ آج 124 عازمین کی ٹیکہ کاری کی گئی اور جو عازمین آج ٹیکہ کاری نہیں کراسکے وہ سہارنپور سی – ایم- او آفس پہنچ کرویکسین لے لیں ، اس کے لئے انہیں ضروری دستاویزات ساتھ لانی ہوں گی ۔ مسلم فنڈ ٹرسٹ کے منیجر سہیل صدیقی نے تمام عازمین کو سفر حج کی مبارکباد دیتے ہوئے کہا کہ مناسک حج کی ادائیگی کے لئے ہر ایک عازم کا صحت مند ہونا ضروری ہے اسی لئے عازمین کی ٹیکہ کاری کی گئی ہے ۔ کیمپ انچارج مولانا دلشاد احمد قاسمی نے بتایا کہ صبح سویرے سے ہی کیمپ میںعازمین کی بڑی تعداد پہنچ گئی تھی ۔ انہوںنے بتایا کہ صبح 10 بجے سے شام 4 بجے تک میڈیکل ٹیم نے 124 مرد و خواتین عازمین کو ٹیکہ لگائے اور ان کے آر-ٹی- پی -سی – آر ٹیسٹ بھی کئے۔ کیمپ کنوینر فہیم صدیقی او ر معاون کنوینر فیضی صدیقی نے بتایا کہ میڈیکل ٹیم کے شاندار تعاون سے ٹیکہ کار ی کے امور نہایت پر سکون انداز میںانجام پائے ۔ کیمپ کے اختتام پر مولانا دلشاد قاسمی ، فہیم صدیقی اور فیضی صدیقی نے میڈیکل ٹیم کے بہترین تعاون کے لئے شکریہ ادا کیا ۔ اس موقع پر ادارہ کے منیجر سہیل صدیقی ، مولانا دلشاد قاسمی ، عدیل صدیقی ، اسرار احمد ، فیضی صدیقی ، ڈاکٹر شہزاد انجم اور دیگر کار کنان موجود رہے ۔
