علی گڑھ، جی 20 پروگراموں کے ایک حصے کے طور پر اے ایم یو کے عبداللہ اسکول نے یوم مادر پر ایک بیداری پروگرام کا انعقاد کیا۔ اسکول سپرنٹنڈنٹ مسزعمرہ ظہیر نے اس موقع پر موجود ماؤںکا خیرمقدم کیا اور بچے کی شخصیت کی نشوونما میں ماں کی اہمیت اور کردار پر اپنے خیالات کا اظہار کیا۔ ہوم سائنس شعبہ کی ریسرچ اسکالر شفا شاہین نے خطاب کرتے ہوئے صحت مند قوم کے لیے اسکولی بچوں کی صحت میں ماں کے کردار کے بارے میں حاضرین کو کارآمد معلومات فراہم کیں ۔قوم کی تعمیر میں ماں کے کردار پر خاص طور سے توجہ مرکوز کی گئی کہ موسمیاتی تبدیلی کے مسئلے کو حل کرنے میں مائیں کس طرح اپنا کردار ادا کرسکتی ہیں اور وہ صحت مند قوم کے لیے بچوں کی صحت میں کس طرح اہم کردار نبھاتی ہیں۔ اس موقع پر صحت کی دیکھ بھال کے لئے گھریلو علاج کے طریقے بھی بتائے گئے۔جی 20 تقریبات کی اسکول کوآرڈنیٹر لبنیٰ امتیاز نے پروگرام کی نظامت کی اور شکریہ ادا کیا۔
