سرینگر، ایڈیشنل ڈائریکٹر جنرل آف پولیس کشمیر زون وجے کمار نے حفاظتی صورتحال کے حوالے سے ایک میٹنگ کا انعقاد کیا جس میں جموں سرینگر ہائی اے کی حفاظتی اقدامات اور مجوزہ G20کانفرنس کی حفاظتی اقدامات کا جائز ہ لیا ۔ تفصیلات کے مطابق اے ڈی جی پی کشمیر وجے کمار نے ہفتہ کو جنوبی کشمیر کے ضلع اننت ناگ میں ایک اعلیٰ سطحی میٹنگ منعقد کی جس میں NHW سیکورٹی پر خصوصی توجہ دی گئی VBIEDs کے ابھرتے ہوئے خطرے اور ممکنہ عسکریت پسندانہ حملے کے دیگر طریقوں پرتبالہ خیال کیا گیا ۔ اس موقعے پر انہوں نے سرینگر میں مجوزہ جی ٹونٹی کانفرنس کے حوالے سے اُٹھائے جارہے حفاظتی اقدامات پر بھی بات کی ۔ پولیس ذرائع کے مطابق سرینگر شہر میں اگلے ماہ 22سے 24مئی تک منعقد ہونے جارہی عالمی سربراہی کانفرنس جی ٹونٹی کے احسن انعقاد کے حوالے سے سیکورٹی انتظامات کا جائزہ لینے کیلئے پولیس کے ایڈیشنل ڈائریکٹر جنرل وجے کمار نے ہفتہ کے روزہ سرینگر میں پولیس افسران کی ایک اعلیٰ سطحی میٹنگ منعقد کی جس میں فوج کے جی او سی وکٹر فورس میجر جنرل پرشانت سریواستو، آئی جی سی آر پی ایف کشمیر آپس سیکٹر ایم ایس بھاٹیہ، آئی جی بی ایس ایف اشوک یادو، جوائنٹ ڈائریکٹر آئی بی، جنوبی کشمیر میں فوج کے سیکٹر کمانڈرز، پولیس کے ڈی آئی جیز، سی آر پی ایف، ایس ایس بی۔ آئی ٹی بی پی اور سی آئی ڈی اور اننت ناگ، پلوامہ، کولگام اور اونتی پورہ کے ایس ایس پی نے میٹنگ میں شرکت کی۔پولیس ترجمان کے مطابق ملاقات کے دوران نیشنل ہاے وے پر عسکریت پسندوں کی جانب سے ممکنہ خطرات پر تفصیلی تبادلہ خیال کیا گیا اور مزید انسدادی اقدامات کا فیصلہ کیا گیا۔ نقل و حرکت کے SOP پر بھی تبادلہ خیال کیا گیا اور اس کے مطابق اپ گریڈ کیا گیا۔ تمام فیلڈ افسران نے اپنی اپنی تشخیص دی۔ اے ڈی جی پی کشمیر نے تمام ایس ایس پی کو ہدایت دی کہ وہ ملیٹنٹوں کے ساتھیوں کو پکڑ کر جنگجوؤں کے ماڈیول کا پردہ فاش کرتے ہوئے جنگجو مخالف کارروائیوں پر توجہ دیں۔ انہیں خاص طور پر احتیاطی انٹیلی جنس پیدا کرنے اور تمام اسٹیک ہولڈرز کے درمیان بروقت شیئر کرنے کا کام سونپا گیا تھا۔ جی او جی وکٹر فورس نے سیکٹر کمانڈروں سے کہا کہ وہ رات میں بھی وسیع علاقے پر تسلط قائم کریں۔ اس موقعے پر وجے کمار نے سرینگر جموں شاہراہ کی حفاظتی صورتحال پر بھی تبادلہ خیال کیا ۔ انہوں نے متعلقہ افسران پر زور دیا کہ وہ سرینگر جموں شاہراہ کو عام لوگوں کی آسان نقل و حمل کو یقینی بنانے کیلئے زمینی سطح پر اقدامات اُٹھائے ۔ انہوں نے جی ٹونٹی کانفرنس کے حوالے سے حفاظتی اقدامات کا بھی جائزہ لیا اور تمام متعلقہ افسران پر زور دیا کہ وہ مندوبین کی بہتر سیکورٹی کو یقینی بنائیں اور ہر ممکن اقدامات اٹھائیں۔ اس موقعے پر کہا گیا ہے کہ سرینگر شہر میں ان دنوں سخت حفاظتی اقدامات اُٹھائے جائیں گے ۔
