سرینگر، ڈائریکٹوریٹ آف ہیلتھ سروسز جموں نے امرناتھ یاترا کے پیش نظر 19 جون سے ڈاکٹروں اور طبی عملہ کی چھٹیاں منسوخ کردی ہیں۔امرناتھ یاترا کے دوران تمام ملازمین کو حاضر رہنے کی ہدایت کی گئی ہے ۔ اطلاعات کے مطابق امرناتھ یاترا کے سلسلے میں ڈاکٹروں اور پیرا میڈیکل اسٹاف کی تمام چھٹیاں منسوخ کر دی ہیں۔ایک سرکلر کے مطابق ڈائریکٹر ہیلتھ سروسز جموں نے تمام متعلقہ افسران کو ہدایت کی ہے کہ وہ ڈاکٹروں اور پیرا میڈیکل اسٹاف کی چھٹیوں کی درخواستوں کو منظور یا آگے نہ بھیجیں۔امرناتھ یاترا 2023 کے پیش نظر، ڈاکٹروں اور پیرا میڈیکل اسٹاف کی تمام قسم کی چھٹیاں سوائے زچگی کی چھٹی اور طبی بنیادوں پر کموٹڈ چھٹی، 19 جون سے منسوخ کر دی گئی ہیں اس میں مزید لکھا گیا ہے کہ یہ تمام سی ایم اوز، میڈیکل سپرنٹنڈنٹ اور بی ایم اوز سے کہا گیا ہے کہ وہ امرناتھ یاترا کے آغاز کے پیش نظر ڈاکٹروں اور پیرامیڈیکس کی چھٹیوں کی درخواستوں کو منظور یا آگے نہ بھیجیں۔
