فاروق تانترے
سرینگر /سماج نیوز سروس:کشمیر کے ہمالیہ میں سالانہ امرناتھ یاترا میں شامل ہونے کے لیے 6,619 یاتریوں کا تیسرا گروپ جموں کے بھگوتی نگر بیس کیمپ سے دو الگ الگ قافلوں میں روانہ ہوا۔عہدیداروں نے بتایا کہ 52 روزہ سالانہ یاترا کے پہلے دن تقریباً 14,000 یاتریوںنے 3,880 میٹر کی بلندی پر واقع شیو لنگم کے درشن کئے ، جو ہفتہ کو ضلع اننت ناگ کے پہلگام اور گاندربل ضلع کے بال تل کے جڑواں راستوں سے شروع ہوئی تھی۔ تیسرا کھیپ جس میں 1,141 خواتین بھی شامل تھیں، 319 گاڑیوں میں صبح 3:50 سے 4:45 کے درمیان سخت سیکیورٹی کے درمیان روانہ ہوئیں۔حکام نے بتایا کہ جب یاتری کشمیر کے لیے روانہ ہوئے تو جموں میں بارش ہو رہی تھی، انہوں نے مزید کہا کہ 3,838 عقیدت مندوں نے پہلگام کا راستہ اختیار کیا جبکہ 2,781 یاترا کرنے کے لیے بال تل کی طرف جارہے تھے۔اس کے ساتھ، 28 جون سے کل 13,103 یاتری جموں کے بیس کیمپ سے وادی کے لیے روانہ ہوئے جب لیفٹیننٹ گورنر منوج سنہا نے پہلی کھیپ کو جھنڈی دکھا کر روانہ کیا۔یاترا 19 اگست کو اختتام پذیر ہوگی۔ گزشتہ سال 4.5 لاکھ سے زائد زائرین نے گپھا میں شیولنگم کے درشن کئے جس میں قدرتی طور پر بنائے گئے برف کے لنگم ہیں۔
