نئی دہلی ، پریس ریلیز،ہمارا سماج:انجمن محبان وطن کے جنرل سکریٹری اور سرکردہ سماجی خدمت گار جمیل انجم دہلوی کی قیادت میں آج ایک وفد نے وزیر خوراک عمران حسین سے ان کے دفتر میں ملاقات کی اور ماہ رمضان المبارک میں مسلم اکثریتی علاقوں میں خصوصی شہری سہولیات کا مطالبہ کیا۔جمیل انجم نے وزیر موصوف سے ماہ رمضان میں پانی بجلی کی سپلائی کو 24 گھنٹے یقینی بنانے اور پھل اور سبزیوں کی قیمتوں کو قابو میں رکھنے کی اپیل کی۔ وفد نے عمران حسین کو ایک میمورنڈم بھی پیش کیا جس میں مسلم اکثریتی علاقوں میں خصوصی شہری سہولیات کا مطالبہ شامل تھا وفد نے ماہ رمضان میں دن میں تین مرتبہ صفائی کرانے اور پانی کے سپلائی کے اوقات میں اضافہ کرنے کی اپیل کی۔جمیل انجم نے ماہ رمضان میں بازاروں میں ٹریفک جام سے نجات کے لئے خصوصی پولیس بندوبست کرانے کا بھی مطالبہ کیا۔وفد میں عدنان جمیل ، محمد جنید ، محمد قاسم وغیرہ شامل تھے۔وفد کی بات سننے کے بعد وزیر خوراک عمران حسین نے یقین دلایا کہ ماہ رمضان میں خصوصی شہری سہولیات کو یقینی بنایا جائے گا اس حوالے سے متعلقہ اداروں کو ہدایات جاری کردی گئی ہیں۔
