بلال بزاز
سرینگر ،سماج نیوز سروس: اسمبلی انتخابات کیلئے تیاریوں کا جائزہ لینے کیلئے چیف الیکشن کمشنر راجیو کمار کمیشن کے دیگر اعلیٰ عہدیداروں ہمراہ دو روزہ دوے جموں کشمیر پر وارد ہوئے جس دوران انہوں نے پہلے دن سیاسی جماعتوں کے لیڈران سے بات چیت کی اور اس کے علاوہ پولیس و سیول انتظامیہ کے اعلیٰ افسران کے ساتھ سیکورٹی میٹنگ منعقد کی ۔ تفصیلات کے مطابق جموں کشمیر میں اسمبلی انتخابات کیلئے تیاریوں اور سیکورٹی صورتحال کا جائزہ لینے کیلئے چیف الیکشن کمشنر راجیو کمار کمیشن کے دیگر علیٰ عہدیداروں ہمراہ دو روزہ دوے پر جمعرات کی صبح سرینگر پہنچ گئے ۔ دورے پر پہنچنے کے ساتھ ہی انہوں نے ایس کے آئی سی سی میں انہوں نے مقامی سیاسی جماعتوں خاص طور پر بی جے پی ، پی ڈی پی ، نیشنل کانفرنس اور جموں کشمیر اپنی پارٹی سمیت دیگر پارٹیوں کے لیڈران سے ملاقات کی اور مرکز کے زیر انتظام علاقے میں اسمبلی انتخابات کی تیاریوں کے بارے میں ان سے رائے لی ۔ بڑی سیاسی جماعتوں میں، نیشنل کانفرنس، کانگریس اور پیپلز ڈیموکریٹک پارٹی کے لیڈران نے سرینگر کے ایس کے آئی سی سی میںالیکشن کمیشن آف انڈیا کی ٹیم سے ملاقات کی اور جموں و کشمیر میں اسمبلی انتخابات کا مطالبہ کیا ۔ جمعرات کو دن بھر سیاسی جماعتو ں کے لیڈران ایس کے آئی سی سی پہنچ گئے جہاں انہوں نے الیکشن کمیشن آف انڈیا کی ٹیم سے ملاقات کی اور انتخابات کو لیکر اپنی رائے پیش کی ۔ جن سیاسی جماعتوں کے ارکان نے الیکشن کمیشن آف انڈیا ٹیم سے ملاقات کی ان میں کانگریس، نیشنل کانفرنس پیپلز ڈیموکریٹک پارٹی بی جے پی ، سی پی آئی ایم اور اپنی پارٹی شامل ہیں۔نیشنل کانفرنس کے وفد کی قیادت ناصر اسلم وانی نے کی جبکہ پی ڈی پی کی جانب سے آسیہ نقاش کی قیادت میں ایک اور وفد نے ای سی آئی سے ملاقات کی ۔ دونوں نے میٹنگ کے بعد نامہ نگاروں کو بتایا کہ انہوں نے الیکشن کمیشن آف انڈیا سے جموں و کشمیر میں اسمبلی انتخابات کرانے کو کہا ہے۔سیاسی جماعتوں کے نمائندوں سے ملاقات کے بعد الیکشن کمیشن آف انڈیا نے ضلع ترقیاتی کمشنروں اور ایس ایس پیز کے ساتھ زمینی صورتحال کا تفصیلی جائزہ لیا ۔ ذرائع نے بتایا کہ سیاسی جماعتوں سے ملاقات کے بعد الیکشن کمشنر آف انڈیا نے صوبائی انتظامیہ کے افسران جن میں چیف الیکشن کمشنر پی کے پول، صوبائی کمشنر کشمیر وجے کمار بدھودی ، اے ڈی جی پی امن و قانون وجے کمار ، آئی جی پی کمشنر وی کے بردی شامل تھے کے ساتھ سیکورٹی جائزہ میٹنگ منعقد کی جس دوران سیکورٹی صورتحال کا جائزہ لیا گیا ۔
