محمد زاہد امینی
نوح،میوات،29 جنوری،سماج نیوز سروس: اُردو زبان کی ترقی و فروغ کے لیے صوبہ راجستھان خصوصا ضلع بھرت پور و الور کے خطہ میوات میں کام کرنے والے ہریانہ میوات کے اہم سیاسی گھرانے کاٹ پوری خاندان سے تعلق رکھنے والے ماسٹر سا ہون محمد کو اُردو زبان کی ترقی کے لیے پیش کی گئی نمایاں خدمات کے لئے انہیں حال ہی میں ضلع انتظامیہ بھرت پور کے ذریعہ اعزاز سے نوازا گیا ہے۔پہلی مرتبہ کسی محبین اردو کے اس سطح دے گئے اعزاز سے علاقہ کے اہل اُردو میں زبردست خوشی دیکھنے کو مل رہی ہے۔علاقہ کے اُردو داں طبقہ خاص طور سے تنظیم فروغ اُردو میوات کے عہدے داران ڈاکٹر قمر الدین ذاکر، مولانا محمد صدیق سنابلی، ماسٹر رفیق،ماسٹر ارشد الور،ماسٹر محمد اسلم،مولانا محمد زاہد امینی، مشہور کالم نگار محمد انعام برنی و خالد میواتی گھا سیرہ نے جہاں ماسٹر سا ہون کاٹ پوری کو اس نمایاں کامیابی پر مبارک باد پیش کی ہے وہیں ضلع انتظامیہ بھر تپور،حکومت راجستھان و حکومت کی وزیر تعلیم محترمہ زاہدہ خان کا شکریہ ادا کیا ہے۔واضح رہے کہ حال ہی میں یوم جمہوریہ کے موقع پر ضلع ہیڈکوارٹر بھرت پور میں ایک ضلع سطحی یوم جمہوریہ کی تقریب کا انعقاد کیا گیا جس میں مختلف محکموں میں شاندرار کارکردگی پیش کرنے والے درجنوں شخصیات کو اعزاز سے نوازا گیا۔اسی سلسلے میں ماسٹر سا ہون کاٹ پوری کو ان کے ذریعہ اُردو زبان و ادب کے لئے خاص طور سے میوات کے سرکاری اسکولوں میں اُردو ٹیچرس کی تقرری میں ان کے اہم رول کے لیے ایوارڈ سے نوازا گیا ہے جس پر علاقہ کے محبین اردو میں زبردست خوشی پائی جاتی ہے۔اس موقع پرراجستھان حکومت کے کابینہ وزیر جناب وشویندر (مہاراج صاحب)، بھرت پور لوک سبھا کی رکن محترمہ محترمہ رنجتا کالی اور کلکٹر صاحب۔ ضلع بھرت پور کے مسٹر آلوک رنجن خاص طور سے موجود رہے۔
