ممبئی، نشہ کی لعنت کو ختم کرنے نوجوان نسلوں کو اس سے بیدار کرنا انتہائی ضروری ہے یہ اسی وقت ممکن ہے جب ہمارے علماءکرام میدان عمل میں آکر نوجوانوں کو دینی راہ پر لانے کی سعی کریں گے انہوں نے کہا کہ معاشرے میں برائیوں کے خلاف سینہ سپر ہوکر کام کرنے کی ایک طویل تاریخ علماءکرام اور مسلمانوں کی ہیں اسی لئے ہمیں اب نشہ کے خلاف جنگ میں حصہ لے کراپنی نوجوان نسلوں کو اس سے محفوظ رکھنا لازمی ہے اس قسم کا اظہار خیالات آج یہاں مانخورد شیواجی نگر میں مقامی ڈی سی پی ہیمراج راجپوت کی منشیات مخالف بیداری مہم میں مہاراشٹر سماجوادی پارٹی لیڈر و رکن اسمبلی ابوعاصم اعظمی نے کیا انہوں نے کہا کہ نشہ کے خلاف بیداری مہم میں ہر کسی کو شامل ہونا ضروری ہے کیونکہ یہ ہمارے معاشرے میں برائی کو نہ صرف یہ پروان چڑھا رہی ہے بلکہ کئی نوجوان نشہ کی لعنت کے عادی ہوچکے ہیں ان نوجوانوں کو راہ راست پر لانے کیلئے علماءکرام اور عوام کو آگے آنا ہوگا یہی وقت کا تقاضہ ہے انہوں نے کہا کہ مسلم اکثریتی علاقوں میں جس طرح سے نشہ کی فروخت عام ہے یہ انتہائی تشویشناک ہے اس لئے پولیس سے بھی میں درخواست کرتا ہوں کہ نشہ فروشوں کے خلاف اپنے کریک ڈاؤ ن میں وہ مزید اضافہ کرے۔
اعظمی نے کہا کہ مقامی ڈی سی پی ہیمراج راجپوت اور ان کی ٹیم نے منشیات مخالف جو مہم شروع کر رکھی ہے اس سے نشہ کے کاروبار کرنے والوں میں کچھ دہشت ضرور پائی جارہی ہے لیکن یہ کافی نہیں ہے بلکہ اسے جڑ سے ختم کرنے کیلئے ہمیں آگے آنا ہوگا یہ اسی وقت ممکن ہے جب عوام پولیس کے ساتھ تعاون کریں گے انہوں نے کہا کہ پولیس نے منشیات کیخلاف ایک ہیلپ لائن نمبر بھی جاری کیاہے اگر کوئی بھی منشیات فروشی کا کاروبار کرتا ہے تو اسکی اطلاع پولیس کو فراہم کرے اس منشیات فروشی کے نیٹ ورک کو ناکام بنانے کیلئے ہمیں پولیس کی مدد کرنی چاہئے۔مقامی ڈی سی پی ہیمراج راجپوت نے کہا کہ منشیات مخالف مہم جو پولیس نے شروع کی ہے اس میں عوام کاتعاون ضروری ہے جس طرح سے علماءکرام نے میدان عمل میں آکرنشہ کے خلاف مہم میں پولیس کا تعاون کرنے کا اعلان کیاہے اس سے پولیس کو بھی اپنی کارروائی میں کافی تقویت ملی ہے اور یہی وجہ ہے کہ آج پولیس نے نشہ کے خلاف مہم میں شدت پیدا کردی ہے۔ انہوں نے اس تعاون کیلئے مقامی رکن اسمبلی اعظمی اور عوام کا شکریہ بھی ادا کیا اس نشہ مخالف مہم میں مانخورد شیواجی نگر کے عوام و علماءکرام و معززین شریک تھے۔
