نئی دہلی ،24جنوری ، ہماراسماج :مہیلابال وکاس سرکشااینڈ سکشا سمیتی کی جانب سے سیلم پور کے جے بلاک میںیو م جمہوریہ کی مناسبت سے پروقار تقریب کا انعقاد کیا گیا جس میں سابق ممبر اسمبلی چودھری متین احمدنے بحیثیت مہمانان خصوصی کے طور پر شرکت کر کے سمیتی کے ذمہ داروں سمیت ذاکر خان (چیئرمین دہلی اقلیتی کمیشن )سید ناصر جاوید ،ڈاکٹر نیر،ونود پردھان، نوین شرما فہمیدہ بانو،پروین کمارومحمد نوشادکے ساتھ جھنڈہ سلامی کی رسم ادا کی۔اس موقع پر حب وطنی کے گیت ،رنگا رنگ پر وگرام پروگرام پیش کئے اور یوم جمہوریہ کی افا دیت و اہمیت پر تقار یر کیںجس کے نتیجہ میں سمیتی کی طرف سے بچوں کو ٹرافی اور مہمانا خصوصی ایواڈ سے نوازے گئے۔چودھری متین احمد کہا کہ ۶۲ جنوری کے موقع پر ہم جشن منا کر اپنے ملک کے آئین ہند کا تحفظ اور اس کو ماننے و عمل کرنے کا عزم کرتے ہیں جس پر عمل کرنا سبھی سماج کیلئے ضروری ہے کیونکہ آئین ہند نے سبھی سماج کو اپنے اپنے طور سے زندگی گزارنے کی ضمانت دی ہے ۔انہوں نے کہ۶۲ جنوری کا دن ایک ایک ہندوستانی کو آئین ہند کا خوبصورت احساس دلاکر بزرگوں کی محنت و مشقت و جدو جہد کی یاد تازہ کرتا ہے جس کیلئے انہوں نے رات دن ایک کر کے آزادی کی صبح دیکھی۔انہوں نے کہا کہ ہمیں آزادی کے تمام متوالوں کو خراج عقیدت پیش کرتے ہوئے یہ عزم کرنا ہے کہ ہندوستان کو پیارو محبت کا گہوارہ بنانا ہے اوران تمام طاقتوں سے برسر پیکار رہنا ہے جو ملک کی گنگا جمنی تہذیب کے دشمن ہیں ۔
