صدام حسین فیضی
رام پور،سماج نیوز سروس : مدرسہ فیض العلوم تھانہ ٹین میں 23 ویں ختم بخاری شریف وجشن دستاربندی تقریب کا انعقاد نہایت تزک و احتشام کے ساتھ ہوا۔جلسہ کا آغاز قاری محمد فہیم قاسمی کی تلاوت سے ہوا۔ مداح رسول حمزہ عیاض نے اپنے مخصوص انداز میں حمد وتلاوت پیش کر کر ناظرین کو مسحور کر دیا۔ لکھنؤ سے تشریف لائے مولانا عبداللہ عباس ندوی نے اپنے خطاب میں توحید خداوندی پر مفصل انداز میں روشنی ڈالی۔ مولانا انصار قاسمی نے مادر علمی دارلعلوم دیوبند سے تشریف لانے والے اکابرین کا شکریہ اداکرتے ہوئے کہا کہ ان اکابرین کی آمد ہمارے ضلع کے لئے سعادت کی بات ہے۔ مولانا محمد اسجد قاسمی ندوی نے فارغین مدارس کو نصیحت فرمائی کہ فارغین یہ طے کر کے جایں کہ اپنی شادیاں صد فیصد سنت کے مطابق کریں گے اور اپنے گھر کی خواتین کو میراث میں حصہ دےکرعملی نمونہ پیش کریں گے۔انجمن معاون الاسلام سنبھل کے صدر مدرس مولانا عمران ذاکر قاسمی نے حلال وحرام کے فرق کو واضح کرتے ہوئےکہا کہ آج امت مسلمہ کی حرام کمائ میں سب سے زیادہ حصہ میراث کے قوانین کو ترک کرنے کی وجہ سے ہے۔ شیخ الحدیث مفتی ساجد قاسمی نے مدرسہ کی سالانہ رپورٹ پیش کی۔مہمان خصوصی ازہر ہند دارالعلوم دیوبند سے تشریف لائے ناظم تعلیمات مولانا حسین نےاپنے عالمانہ فاضلانہ بیان میں علماء وطلباء مدارس کو زریں نصیحتیں فرمایئں۔ نیت کی تصیح حصول علم کے مقاصد کو انتہائی مفصل انداز میں واضح کیا۔ ناظم اعلیٰ مولانا محمد اسلم جاویدقاسمی نے مہمانانِ ذی وقار علماء عظام اور ضلع کے اطراف و اکناف سے آئے ہوئے عوام الناس کا شکریہ ادا کیا۔آپ نے کہا کہ مدرسہ ہٰذا کسی کا مخصوص ادارہ نہیں ھے بلکہ یہ تمام مسلمانوں کا ادارہ ہے۔آخر میں مہمان ذی وقار استاد حدیث دارلعلوم دیوبند مولانا افضل نے امام بخاری کے نسب اور بخاری شریف کے متعلق اہم نکات بیان فرمائے۔ اسی موقع پر بخاری شریف کا انعقاد عمل میں آیا۔مولانا افضل کی ہی دعا پر جلسہ کا اختتام ہوا بعدہ فارغین کی دستاربندی عمل میں آئی۔واضح رہے کہ امسال مدرسہ ہٰذا میں شعبہ افتاء سے 10 طلباء شعبہ عالمیت سے12 طلباء شعبہ تجوید سے 15طلباء شعبہ حفظ سے 23فارغ ہوئے۔
