بلند شہر 30 جنوری،ناظم بیگ سماج نیوز سروس: اسکول چلو مہم اور بیسک ایجوکیشن ڈیپارٹمنٹ کی جانب سے چلائی جدانے والی مختلف اسکیموں کے فروغ کے سلسلے میں محکمہ اطلاعات کی ٹیم کی طرف سے سکندرآباد بلاک کے گرام پنچایت تل بیگم پور اور سانولی میں نکڑ ناٹک کا انعقاد کیا گیا۔جس میں مختلف ڈراموں کے ذریعے تکمیل مقصد کے تحت بچوں کی بنیادی تعلیم کی اہمیت پر زور دیتے ہوئے ڈرامے کے ذریعے بچوں کو باقاعدہ اسکول بھیجنے اور والدین کی ذمہ داری کو یقینی بنانے کی اپیل کی۔ بچیوں کی تعلیم کی اہمیت کو بیان کرتے ہوئے کہا کہ آج کا دور بیٹیوں کا ہے اور بیٹیاں کسی بھی میدان میں بیٹوں سے پیچھے نہیں ہیں۔ ڈی بی ٹی کے ذریعے والدین کے اکاو¿نٹ میں بھیجی گئی رقم سے بچوں کے لباس، جوتے، موزے، سویٹر اور کاپیاں وغیرہ کے اچھے استعمال سے ہی بچوں کی موجودگی اور تعلیم کی اہمیت کو ڈرامے کے ذریعے گاﺅں والوں کوآگاہ کیا گیا ۔ اس موقع پر دونوں گرام پنچایتوں کے گاو¿ں کے سربراہ (پردھان) اور دونوں اسکولوں کے تمام عملہ اور محکمہ بنیادی تعلیم کے بلاک سطح کے افسران اور ملازمین موجود تھے۔ اس موقع پر اے آر پی د ویہ ہنس دیپک، امت بھادواج، اجے کمار، اپر پرائمری اسکول سانولی کے پرنسپل رویندر کمار، گاﺅں تل بیگم پور کے پردھان صا بر خان ، گاو¿ں سانولی سے پردھان کے بیٹے سچن کمار نے اپنے خیالات کااظہار کیا ۔ دونوں پروگراموں کی نظامت رویندر کمار اسسٹنٹ ٹیچر تل بیگم پور نے کی۔ گاﺅں تل بیگم پور میں نکڑ ناٹک پروگرام میں تقریباً 800 اور شاملی میں تقریباً 600 لوگوں نے حصہ لیا۔
