نئی دہلی، پریس ریلیز،ہماراسماج: کانگریس ملک کی سالمیت و بقا، ترقی،انصاف ،خوشحالی ،محبت،آپسی بھائی چارہ اور ہندو مسلم اتحاد چاہتی ہے جس کیلئے کانگریس کے نوجوان لیڈرراہل گاندھی سرگرم ہیں جس سے بی جے پی بوکھلائی ہوئی ہے اور اسی وجہ سے حزب اختلاف کے خلاف اپنی طاقت کا استعمال کرکے ڈرانے میں لگی ہے لیکن کانگریس کا کوئی بھی لیڈر ڈرنیوالا نہیں ہے ۔ان خیالات کا اظہار مصطفی آباد کے سابق رکن اسمبلی حسن احمد نے کانگریس کے منعقدہ پروگرام میں کیا جس کی صدارت مدرسہ مدینتہ العلوم کے بانی و مہتمم قاری محمد ارشاد قاسمی نے کی۔ حسن احمدنے مصطفی آباد کے نو نامزد ہونیوالے چاروںبلاک صدور کا بھی اعلان کیا ہے جن میں مصطفی آباد سے شوقین ملک ، شیو وہار سے فقیر چند ، نہرو وہار سے علیم انصاری اورایسٹ کراول نگر سے تارہ بھیا شامل ہیں جنہیں کانگریس کمیٹی صوبہ دہلی کے صدر اروندر سنگھ لولی نے نامزد کئے تھے۔انہوں نے کہا کہ شمال مشرقی دہلی کا پارلیمانی حلقہ اتحاد کے تحت کانگریس کا امید وار انتخابی میدان میں آئے گا جس کے حق میں متحدہ ووٹنگ کر کے ’’انڈیا‘‘کی جیت کے پرچم کو لہرانا ہے۔ انہوں نے مزید کہا کہ ووٹ انمول ہے جس کا استعمال کام کرنیوالی جماعت و اس کے نمائندے کے حق میں کرنا چاہئے ۔اسی وجہ سے آنیوالا پرلیمانی الیکشن اور پھر 2025میں اسمبلی الیکشن کا موقع ہے جس میں بی جے پی خلاف اپنے ایک ایک ووٹ کا استعمال کرنا چاہئے تبھی ہمارے ملک سے بی جے پی کا صفایا ہوسکے۔صوبہ دہلی کانگریس کمیٹی کے نائب صدر علی مہدی نے کہا کہ2024کے مد نظر مصطفی آباد کے لوگوں میںابھی سے ہی کافی جوش ہے اور ذمہ داران نے ہمیں یقین دہانی کرائی ہے کہ انڈا امید وار کو مصطفی آباد سے ایک لاکھ سے بھی زیادہ ووٹ دلائے جائیں گے جس کیلئے ابھی سے ہی ڈور ٹو ڈور مہم کا آغاز ہوگا۔۔انہوں نے کہا کہ کانگریس کے اقتدار میں مہنگائی پر کنٹرول رہتا تھا مگر موجودہ حکومتوں نے ضروریات زندگی کی قیمتیں آسمان پر پہنچادی ہیں جس سے غریب طبقہ بیحد متاثر ہے اور اسے اپنی اور اپنے بچوں کی پرورش کرنا مشکل ہورہا ہے جس کے نتیجہ میں لوگ کانگریس کے اقتدار کو یاد کرنے پر مجبور ہیں ۔مصطفی آباد کے نو نامزد بلاک صدور میں شوقین ملک ، فقیر چند ، علیم انصاری اور تارہ بھیا نے اپنے اظہار خیال میں کہا ہے کہ ہم نے پہلے بھی کانگریس کیلئے کام کیا ہے اورآگے بھی کرتے رہیں گے۔ مصطفی کی کونسلر سبیلہ بیگم کے شوہر حاجی محمد خوشنود اور برج پوری وارڈ سے کونسلر نازیہ جاوید کے شوہر جاوید چودھری نے بھی اپنے اظہار خیال میں کانگریس لیڈر حسن احمد اور علی مہدی کو یقین دہانی کرائی ہے کہ 2024کے پارلیمانی الکشن میں انڈیا امید وار کو مصطفی آباد سے جتا کر مثال قائم کی جائے گی۔ اس موقع پر محمو حسن انصاری،قاری محمد ارشد قاسمی ، گلفام ،محد سفیان کے علاوہ بڑی تعداد میں کانگریس کارکنان موجود تھے۔
