نئی دہلی: /کانگریس نے آج اعلان کیا کہ وہ ایودھیا رام مندر کے افتتاحی تقریب میں شامل نہیں ہوگی، کانگریس نے وضاحت کرتے ہوئے کہا کہ یہ بی جے پی اور اس کے نظریاتی سرپرست راشٹریہ سویم سیوک سنگھ کا سیاسی منصوبہ” ہے۔ پارٹی نے کہا کہ اس کے قائدین پارٹی سربراہ ملکارجن کھرگے، ان کی پیشرو سونیا گاندھی اور پارٹی کے لوک سبھا لیڈر ادھیر رنجن چودھری — جنہوں نے دعوت نامہ وصول کیا تھا، نے اس تقریب میں شرکت سے صاف انکار کر دیا ہے۔پارٹی کے مطابق "مذہب ایک ذاتی معاملہ ہے۔ لیکن آر ایس ایس / بی جے پی نے ایودھیا میں مندر کا ایک سیاسی پروجیکٹ بنایا ہے۔ بی جے پی اور آر ایس ایس کے رہنماؤں کے ذریعہ نامکمل مندر کا افتتاح ظاہر ہے انتخابی فائدے کے لئے کیا جا رہا ہے ۔ اس سلسلے میں پارٹی کے سینئر لیڈر جے رام رمیش نے کہا کہ "سپریم کورٹ کے 2019 کے فیصلے کی پابندی کرتے ہوئے اور بھگوان رام کی تعظیم کرنے والے لاکھوں لوگوں کے جذبات کا احترام کرتے ہوئے، شری ملیکارجن کھرگے، محترمہ سونیا گاندھی اور شری ادھیر رنجن چودھری نے احترام کے ساتھ اس دعوت کو مسترد کر دیا ہے جو واضح طور پر آر ایس ایس/بی جے پی کی تقریب ہے۔” پارٹی کا اس ہائی پروفائل پروگرام میں شرکت سے انکار عام انتخابات سے پہلے کانگریس اور بی جے پی کے درمیان تازہ ترین مدعا بن چکا ہے ۔اور بی جے پی کے لیے، جو روایتی طور پر کانگریس پر اقلیتوں کے جذبات سے کھیلنے کا الزام لگاتی ہے اسے سیاسی طور پر کیش کرنے کی کوشش کریگی اور اکثریتی طبقہ کو ورغلانے کی کوشش کر سکتی ہے ۔ واضح ہو کہ رام مندر کی اس افتتاحی تقریب کے دعوت نامہ کا کھیل پچھلے کئی ہفتہ سے چل رہا ہے ۔بائیں بازو سمیت کئی اپوزیشن جماعتوں نے پہلے ہی اس تقریب میں شرکت کرنے سے انکار کر دیا ہے ۔سماج وادی پارٹی غیر فیصلہ کن ہے ۔حالانکہ پارٹی نے وشو ہندو پریشد کی دعوت کو ٹھکرا دیا ہے، لیکن اس کے ایم ایل اے جانے کے خواہشمند ہیں۔ شرد پوار نے کہا کہ انہیں دعوت نامے کی ضرورت نہیں ہوگی اور جب یہ "مقدر” ہو وہاں جائیں گے۔ادھو ٹھاکرے کی زیر قیادت شیو سینا یو بی ٹی کو ابھی تک دعوت نامہ نہیں ملا ہے۔مندر کی عمارت بی جے پی کے سیاسی عمل کا مرکز رہی تھی اور اس کے وعدے نے 1990 کی دہائی میں پارٹی کے عروج میں اہم کردار ادا کیا تھا۔22 جنوری کو وزیر اعظم نریندر مودی کے ذریعہ افتتاحی تقریب میں سیاسی رہنما، صنعت کار، اداکار اور دیگر اہم شخصیات شرکت کریں گے ۔ یہ تقریب — جو ایک بین الاقوامی ہوائی اڈے کے افتتاح اور علاقے میں دوبارہ تیار شدہ ریلوے سٹیشن سے پہلے ہوئی تھی — بہت زیادہ دلچسپی پیدا کر رہا ہے۔تزئین و آرائش شدہ مندر کا شہر بڑے دن پر ہزاروں لوگوں کی میزبانی کے لئے تیار ہو رہا ہے، جس کے دوران پورے اتر پردیش میں اسکول اور کالج بند رہیں گے۔ یہ تقریب ملک بھر اور بیرون ملک کئی مقامات پر براہ راست نشر کی جائے گی۔
