نئی دہلی،25دسمبر،سماج نیوز سروس:دہلی میں آئندہ ہونے والے اسمبلی انتخابات میں کامیابی حاصل کرنے کے لیے کانگریس پارٹی کی جانب سے گذشتہ دیر رات دوسری لسٹ جاری کر دی گئی۔ جس میں ۲۶ امیدواروں کے ناموں کا اعلان کیا گیا ہے۔اس لسٹ میں جنگ پورہ سے فرہاد سوری اور بابر پور اسمبلی حلقہ سے حاجی محمد اشراق خان کو امیدوار بنایا گیا ہے۔ جیسے ہی پارٹی کی جانب سے حاجی اشراق خان عرف بھورے بھائی کے نام کا اعلان ہوا۔ انہوں نے دیر رات سے ہی اپنی تشہیری مہم شروع کر دی اور لوگوں سے ملاقات کا سلسلہ دیر رات تک جاری رہا۔ کانگریس امیدوار حاجی بھورے نے آج باقاعدہ اپنے اسمبلی حلقہ بابر پور میں دورہ کیا لوگوں سے ملاقات کی۔ انہوں نے بتایا کہ لوگوں کا رجحان پوری طرح سے کانگریس کے ساتھ ہے اور لوگ خود کہہ رہے ہیں کہ وہ کانگریس کو کامیابی بنائیں گے اتنا ہی نہیں حاجی جی نے بابر پور میں کانگریس پارٹی کے عہدیدیرانوں سے بھی ملاقات کی۔ جس میں خاص طور پر دیپک وششٹ جیسے مقامی لیڈر موجود تھے۔ ایک سوال کے جواب میں انہوں نے بتایا کہ کوئی کہیں نہیں جا رہا ہے سب لوگ میری امیدواری پر بہت خوش ہیں۔ لیکن پھر بھی اگر ہمیں کسی کے ناراض ہونے کی خبر ملتی ہے تو ہم اس کو منا لیں گے۔ میں کانگریس پارٹی کا شکر گذار ہوں کہ انہوں نے مجھے امیدوار بنایا ہے۔ انہوں نے مزید کہا کہ مجھے تو کانگریس پارٹی جوائن کرانے والے کردم پوری کونسلر اور بابر پور کے کانگریس کے کارگذار صدر حاجی ظریف ہیں۔ جنہوں نےمجھے پارٹی جوائن کرائی تھی۔انہوں نے مزید کہا کہ عام آدمی پارٹی کی حکومت پر اتنے زیادہ بدعنوان کے الزامات ہیں کہ لوگ اب اس پارٹی کے لیڈران سے چھٹکارا چاہتے ہیں۔ انہوں نے کہا آپ کو یاد ہوگا کہ جب میں نے سیلم پور سے الیکشن لڑا تھا تو لوگ کہتے تھے کہ اتنے بڑے لیڈر چودھری متین احمد جو مسلسل پانچ مرتبہ کے ممبر اسمبلی تھے ان کے سامنے میں الیکشن جیتنا دور کی بات ان کے سامنے ٹک بھی نہیں پائوں گا لیکن اللہ تعالیٰ نے چودھری متین کو شکست دی اور مجھے کامیابی عطا فرمائی۔ اسی طرح سے اس مرتبہ بھی بابر پور سے ایک بڑا پیٹر گرانا ہے جو عام آدمی پارٹی کا پلر ہے۔ مجھے امید ہے کہ بابر پور کے عوام جو بدلائو چاہتے ہیں وہ پوری طرح سے ہمارے ساتھ ہیں اور اس مرتبہ ان کے پاس موقع ہے کہ وہ بابر پور کی تاریخ کو بدل دیں۔
