دیوبند، کانگریس کارکنان نے صدر جمہوریہ ہند کو میمورنڈم بھیج کر مودی حکومت کی پالیسیوں پر سخت نکتہ چینی کی اور حکومت پر گوتم اڈانی کو فائدہ پہنچانے کا الزام عائد کیا ،ساتھ ہی راہل گاندھی کی پارلیمنٹ سے نااہلی کو غیر آئینی قرار دیاگیا۔ آج کانگریس پارٹی کے بلاک صدر اجے تیاگی اور شہر صدر تنظیم صدیقی کی قیادت میں کانگریس کارکنان نے ایس ڈی ایم دفتر پہنچ کر ایس ڈی ایم سنجیو کمار کے توسط سے صدر جمہوریہ ہند کو پانچ نکاتی میمورنڈم بھیجا۔ میمورنڈم میں موجودہ مرکزی کی مودی حکومت پر بزنس مین گوتم اڈانی کو فائدہ پہنچانے کاالزام عائد کیا۔ اس موقع پر تنظیم صدیقی اور اجے تیاگی نے کہا کہ گھوٹالے کرنے والوں کے خلاف سوال اٹھانے پر راہل گاندھی کو نشانہ بنایا گیا ہے، آزاد ہندوستان کی تاریخ میں اب تک کسی کو ہتک عزت کے جرم میں دو سال کی سزا نہیں سنائی گئی ہے،لیکن راہل گاندھی کو ایک سازش کاحصہ بنایا گیا اور ان کی لوک سبھا کی رکنیت ختم کی گئی۔ کانگریس کے سابق اسمبلی امیدوار راحت خلیل نے کہا کہ گجرات کے سورت میں ایک نچلی عدالت کے فیصلے کے 24 گھنٹے کے اندر، بی جے پی نے بجلی کی رفتار سے کام کرتے ہوئے راہل گاندھی کی لوک سبھا کی رکنیت منسوخ کرائی، جب کہ عدالت کے ذریعہ اس فیصلے کے خلاف اپیل کرنے کے لیے 30 دن کا وقت دیا گیا تھا۔لیکن حکومت نے غیر آئینی طریقہ سے لوک گاندھی کی رکنیت ختم کرائی۔اس موقع پر ضلع جنرل سیکریٹری وریام خان، عبدالقادر تیاگی، عثمان نعمانی، لئیق انصاری، وشواناتھ گوتم، رویندر رانا، رمیش سینی، سچن، کمار، راشد خان، عرفان انصاری، پردیپ تیاگی، سونو تیاگی، دنیش تیاگی، سچن تیاگی، رمیش سین، رمیش تیاگی، خسن رانا اور اجے وغیرہ سمیت دیگر کارکنان موجودرہے۔
