سید پرویز قیصر
جے پور میں راجستھان رائلز کے خلاف ہوئے میچ میں دہلی کیپٹلس نے19.1 اوور میں تین وکٹ پر226 رن بناکر جیت اپنے نام کی جو اس کا انڈین پریمیر لیگ میں بعد میں بلے بازی کرتے ہوئے جیت کیلئے بنایا گیا سب سے بڑا اسکور ہے۔ اس میچ میں راجستھان رائلز نے پہلے بلے بازی کرتے ہوئے مقررہ 20 اوور میں چھ وکٹ پر 225 رن بنائے تھے۔ بعد میں بلے بازی کرتے ہوئے دو سو سے زیادہ رن بناکر دہلی کیپٹلس کی یہ سب سے بڑی جیت بھی تھی۔
دہلی کیپٹلس کی جے پور کے سوائی مان سنگھ اسٹیڈیم میں نو میچوں میں چوتھی اور راجستھان رائلز کے خلاف آٹھ میچوں میں تیسری جیت تھی۔ اس میدان پر دہلی کیپٹلس نے پنجاب کنگس کے خلاف ایک میچ کھیلا ہے جس میں اسے جیت ملی تھی۔
اس سے پہلے دہلی کا بعد میں بلے بازی کرتے ہوئے جیت کیلئے بنایا گیا سب سے زیادہ اسکور17.3 اوور میں تین وکٹ پر214 رن تھا جو اس نے دہلی میں گجرات لائنس کے خلاف 4 مئی 2017 کو ہوئے میچ میں بنایا تھا۔ اس میچ میں پہلے بلے بازی کرتے ہوئے گجرات لائنس نے مقررہ20 اوور میں سات وکٹ پر 208 رن بنائے تھے۔ نیوزی لینڈ سے تعلق رکھنے والے کورے اینڈر سن نے نیوزی لینڈ ہی کے تیز بالر جیمس فولکنر پر چھکا لگاکر اپنی ٹیم کو جیت دلائی تھی۔
وشاکھا پٹنم میں24 مارچ2025 کو ہوئے میچ میں لکھنو سپر جائنٹس نے پہلے بلے بازی کرتے ہوئے مقررہ20 اوور میں آٹھ وکٹ پر 209 رن بنائے تھے۔ دہلی کیپٹلس نے19.3 اوور میں نو وکٹ پر211 رن بناکر میچ جیتا تھا۔ اس کا یہ اسکور بعد میں بلے بازی کرتے ہوئے جیت کیلئے بنایا گیا تیسر ا سب سے بڑا اسکور ہے۔اس میچ میں بھی چھکے کے ساتھ جیت حاصل کی گئی تھی۔آشوتوش شرما نے بائیں ہاتھ کے اسپنر شاہبازاحمد کی بال پر یہ چھکا جڑا تھا۔
جے پور کے سوائی مان سنگھ اسٹیڈیم میں دہلی کیپٹلس نے دوسری مرتبہ دو سو سے زیادہ رن بناکر جیت اپنے نام کی ہے۔اس نے پہلی مرتبہ ایسا پنجاب کنگس کے خلاف 24 مئی2025 کو ہوئے میچ میں کیا تھا۔ اس میچ میں پنجاب کنگس نے پہلے بلے بازی کرتے ہوئے مقررہ 20 اوور میں آٹھ وکٹ پر 206 رن بنائے تھے۔ دہلی کیپٹلس نے19.3 اوور میں چار وکٹ پر 208 رن بناکر جیت اپنے نام کی تھی۔اس میچ مں بھی دہلی کیپٹلس نے چھکا لگاکر جیت اپنے نام کی تھی۔ اس مرتبہ سمیر رضوی نے مارکس اسٹونیس کی بال پر شاندارچھکا لگاکر اپنی ٹیم کو جیت دلائی تھی۔
پنجاب کنگس کے خلاف ممبئی کے وانکھڑے اسٹیڈیم میں دہلی کیپٹلس نے بعد میں بلے بازی کرتے ہوئے18.2 اوور میں چار وکٹ پر 198 رن بناکر جیت اپنے نام کی تھی۔ اس میچ میں جیت چوکا لگاکر حاصل کی گئی تھی۔ اس میچ میں پنجاب کنگس نے مقررہ20 اوور میں چار وکٹ پر195 رن بنائے تھے۔
نڈین پریمیر لیگ میں بعد میں بلے بازی کرتے ہوئے جیت کے لئے سب سے بڑا اسکور بنانے کا اعزاز پنجاب کنگس کے پاس ہے جس نے دہلی کیپٹلس کے خلاف دہلی میں25 اپریل2026 کو18.5 اوور میں چار وکٹ پر265 رن بناکر میچ چھ وکٹ سے جیتا تھا۔ اس میچ میں دہلی کیپٹلس نے پہلے بلے بازی کرتے ہوئے مقررہ 20 اوور میں دو وکٹ پر 264 رن بنائے تھے جو اس کا انڈین پریمیر لیگ میں سب سے زیادہ اسکور بھی ہے۔اس سے پہلے اس کا انڈین پریمیر لیگ میں سب سے زیادہ اسکور مقررہ 20 اوور میں چار وکٹ پر 257 رن تھا جو اس نے ممبئی انڈینس کے خلاف دہلی میں27 اپریل2024 کو بنایا تھا اور ممبئی انڈینس کو مقررہ 20 اوور میں نو وکٹ پر247 رن پر روک کر میچ دس رن سے جیتا تھا۔
