دیوبند ،سماج نیوز سروس: سی بی ایس ای بورڈ کے ذریعہ اعلان کردہ 12ویں جماعت کے امتحانی نتائج میں دیوبند کے اسکولوں نے غیر معمولی کارکردگی کا مظاہرہ کیا۔ دون ویلی اسکول کی طالبہ نندنی کشواہا نے 98.8 فیصد نمبروں کے ساتھ ضلع میں سب سے زیادہ رینک حاصل کرکے ضلع ٹاپر بنی۔ دون ہلز اکیڈمی کی آروشی نے 97.6 فیصد نمبروں کے ساتھ شہر میں دوسرا مقام حاصل کیا، جبکہ دون ویلی کے طالب علم ابھینو اور میپلس اکیڈمی کی طالبہ ویشنوی نے 97.2 فیصد نمبروں کے ساتھ تیسرا مقام حاصل کیا۔دون ویلی اسکول کی پرنسپل سیما شرما نے بتایا کہ طالبہ نندنی کشواہا نے 98.8 فیصد نمبروں کے ساتھ ڈسٹرکٹ ٹاپربنی۔ ابھینو پنڈیر نے 97.2 فیصد نمبروں کے ساتھ اسکول میں دوسرا مقام حاصل کیا اور خوشی نے 95.8 فیصد کے ساتھ تیسرا مقام حاصل کیا۔ اسکول کے چیئرمین راج کشور گپتا اور ایڈمنسٹریٹر انوراگ سنگھل نے خوشی کا اظہار کیا اور تمام طلبہ کے روشن مستقبل کی خواہش کی۔ دون ہلز اکیڈمی کی پرنسپل ڈاکٹر انجلی پوار نے بتایا کہ آروشی نے 97.6 کے اسکور کے ساتھ اسکول میں ٹاپ کیا۔ چھوی 94.4 کے ساتھ دوسرے اور ابھینو رانا اور محمد علی 93.2 کے ساتھ تیسرے نمبر پر آئے۔ اسکول کے چیئرمین پردیپ ورما اور ڈائریکٹر تنوراج ورما نے تمام طلبہ کے روشن مستقبل کی خواہش کی۔ میپلس اکیڈمی کی پرنسپل ڈاکٹر چترا جوشی نے بتایا کہ ویشنوی نے 97.2 کے اسکور کے ساتھ اسکول میں ٹاپ کیا، جبکہ شگن 96.6 کے ساتھ دوسرے نمبر پر، اور ایویکا اور دیپالی 96.4 کے ساتھ تیسرے نمبر پر آئیں۔ نواز گرلز پبلک سکول کی پرنسپل فوزیہ نواز نے بتایا کہ طالبہ سفینہ محبوب نے 96.6 کے ساتھ ا سکول میں ٹاپ کیا، کاہکشہ 94.6 کے ساتھ دوسرے اور مشکت 93.2 کے ساتھ تیسرے نمبر پر رہی۔ بانی ڈاکٹر نواز دیوبندی اور ایڈمنسٹریٹر عبداللہ نواز نے لڑکیوں کی شاندار کامیابی پر خوشی کا اظہار کیا۔۔ا سپرنگ ڈیل پبلک اسکول کی پرنسپل شپرا سہگل نے بتایا کہ انس صدیقی نے 96 فیصد نمبر لے کر اسکول میں ٹاپ کیا۔
