سدھارتھ نگر،:ریاست میں غیر قانونی کانکنی کو لے کر وزیر اعلیٰ یوگی آدتیہ ناتھ کی سخت ہدایات کے باوجودسدھارتھ نگر ضلع میں ر یت مافیا کی غیر قانونی کام زوروں پر ہے، وہ اپنی جیبیں بھرنے میں مصروف ہیں۔ریت مافیا نے ضلع سے گزرنے والی بان گنگاندی کو کھوکھلا کر دیا ہے اور اندھا دھند غیر قانونی کان کنی کر کے اپنی جیبیں بھرنے میں مصروف ہیں۔ریت مافیائوں نے بان گنگا ندھی میں زیادہ گہرے گڑھے بنا رکھے ہیں جس سےندی کی شکل ہی خراب ہو گئی ہے۔ ضلع میں مختلف مقامات پرریت نکالنے کا کام جاری ہے ۔ مافیا یہاں سے ٹریکٹر ٹرالی میں دن رات ریت اٹھانے میں مصروف ہیں۔ زیادہ تر ریت نکالنے کا کام رات کے اندھیرے میں ہوتا ہے، لیکن کچھ علاقے ایسے ہیں جہاں دن کے وقت کان کنی جاری رہتی ہے۔ریت مافیا کی غیر قانونی سرگرمیوں کے خلاف کوئی آواز اٹھانے کو تیارنہیں ہے کیوںکہ ریت مافیا ان کو ڈراتے دھمکاتے ہیں۔ذرائع سے ملی اطلاع کے مطابق ابھی تازہ واقعہ محمودوا گرانٹ کے ابوشحمہ کا ہے جو غیرقانونی طور پر بان گنگا ندی سے موضع سنگوار کے پاس دن دھاڑے غیر قانونی بالو نکا لتے ہوئےبتائے جارہے ہیں۔افسران کو غیر قانونی کاروبار نظر نہیں آتاتمام افسران جیسے ڈی ایم، ایس پی، مائننگ آفیسر کی ضلع میں فوج ہوتی ہے۔ ہر کوئ ریت مافیا کے بارے میں جانتا ہے۔ کسی سے بھی بات کریں، وہ مائننگ مافیا کے بارے میں معلومات دے گا اور کہاں مائننگ ہو رہی ہے۔ لیکن یہ سب کچھ ان ذمہ دار افسران کو نظر نہیں آتا۔ یا یوں کہیے کہ ملی بھگت کی وجہ سے غیر قانونی کاروبار کو نظر انداز کر دیتے ہیں۔
