دنیش کارتک کا انڈین پریمیر لیگ میں سب سے زیاد صفر کا ریکارڈ

سید پرویز قیصر
انڈین پریمیر لیگ میں دسویںسب سے زیادہ رن بنانے والے دنیش کارتک اس لیگ میں سب سے زیادہ صفر حاصل کرنے والے بلے باز بھی بن گئے ہیں۔ رائل چیلنجرس ب بنگلور کی جانب سے دہلی کیپٹلس کے خلاف بنگلور میں کھیلے گئے میچ میں انہیں تیز بالر راسک سلام نے کلدیپ یادوکے ہاتھوں کیچ کرایا۔ وہ دوسری بال کا شکار ہوئے تھے۔ وہ 18 ویں مرتبہ اپنا کھاتہ کھولنے میں ناکام رہے تھے۔
دنیش کارتک نے 2008 سے اب تک دہلی کیپٹلس، گجرات لائنس، پنجاب کنگس، کولکاتہ نائیٹ رائیڈرس ،رائل چیلنجرس ب بنگلور اور ممبئی انڈینس کے جانب سے جو 255 میچ کھیلے ہیں انکی232 اننگوں میں26.46 کی اوسط اور135.38 کے اسٹرائیک ریٹ کے ساتھ 22 نصف سنچریوں کی مدد سے4817 رن بنائے ہیں جس میں18 مرتبہ وہ اپنا کھاتہ نہیں کھول پائے ہیں۔ان کا سب سے زیادہ اسکور آوٹ ہوئے بغیر 97 رن ہے جو انہوں کو لکاتہ نائیٹ رائیڈرس کی جانب سے راجستھان رائلز کے خلاف کولکاتہ میں25 اپریل2019 کو ہوے میچ میں50 بالوں پر سات چوکوں اور نو چھکوں کی مدد سے بنایا تھا۔
دائیں ہاتھ کے اس بلے باز کو سب سے زیادہ صفر رائل چیلنجرس بنگلور کی جانب سے کھیلتے ہوئے ملے ہیں۔ رائل چیلنجرس بنگلور کے لئے انہوں نے جو58 میچ کھیلے ہیں انکی 51 اننگوں میں سات مرتبہ اپنا کھاتہ کھولنے میں ناکام رہے ہیں۔ کولکاتہ نائیٹ رائیڈڑس کی جانب سے انہوں نے جو61 میچ کھیلے ہیں انکی58 اننگوں میں وہ چار مرتبہ صفر کا شکار ہوئے ہیں۔ ممبئی انڈینس کی جانب سے36 میچوں کی 33 اننگوں میں سے تین میں وہ اپنا کھاتہ نہیں کھول پائے تھے۔ دہلی کیپٹلس کی جانب سے56 میچوں کی49 اننگوں میں اور گجرات لائنس کی جانب سے30 میچوں کی28 اننگوں میں وہ دو۔دو مرتبہ صفر پر آوٹ ہوئے ہیں۔ پنجاب کنگس کی جانب سے انہوں نے جو چودہ میچ کھیلے ہیں انکی13 اننگوں میں وہ ایک مرتبہ اپنا کھاتہ نہیں کھول پائے تھے۔
ان سے پہلے انڈین پریمیر لیگ میں سب سے زیادہ صفر کا ریکارڈ مشتر کہ طور پر روہت شرما اور گلین میکسویل کے پاس تھا۔ دونوں کھلاری 17۔17 مرتبہ اپنا کھاتہ نہیں کھول پائے تھے۔ رہت شرما نے2008 ابھی تک دہلی کیپٹلس اور ممبئی انڈینس کے لئے جو256 میچ کھیلے ہیں انکی 251 اننگوں میں29.54 کی اوسط اور130.78کے اسٹرائیک ریٹ کے ساتھ ایک سنچری اور42 نصف سنچریوں کی مدد سے6560 رن بنائے ہیں۔ وہ سترہ مرتبہ اپنا کھاتہ کھولنے میںناکام رہے ہیں اور ان کا سب سے زیادہ اسکور آوٹ ہوئے بغیر109 رن ہے جو انہوں نے ممبئی انڈینس کی جانب سے کولکاتہ نائیٹ رائیڈرس کے خلاف کولکاتہ میں12 مئی2012 کو 76 منٹ میں60 بالوں پر12 چوکوں اور پانچ چھکوں کی مدد سے بنایا تھا۔
گلین میکسویل نے2012 سے اب تک جو دہلی کیپٹلس، ممبئی انڈینس،پنجاب کنگس اور رائل چیلنجرس بنگلور کے لئے جو 132میچ کھیلے ہیں انکی 127 اننگوں میں25.04 کی اوسط اور156.35کے اسٹرائیک ریٹ کے ساتھ اٹھارہ نصف سنچریوں کی مدد سے2755 رن بنائے ہیں۔ وہ سترہ مرتبہ اپنا کھاتہ کھولنے میںناکام رہے ہیں اور ان کا سب سے زیادہ اسکور 95رن ہے جو انہوں نے پنجاب کنگس کی جانب سے سن رائزرس حیدرآباد کے خلاف شارجہ میں22 اپریل2014 کو 43 بالوں پر پانچ چوکوں اور نو چھکوں کی مدد سے بنایا تھا۔
فیصل فیچرس