دبئی :متحدہ عرب امارات نے غزہ میں غیر ملکی فلاحی ادارے کے 7 کارکنوں کی ہلاکت پر احتجاجاً اسرائیل کے ساتھ تمام سفارتی رابطے معطل کر دیے۔عرب میڈیا کا اس حوالے سے کہنا ہے کہ اسرائیل میں تعینات اماراتی سفیر محمد الخواجہ کا اپنے بیان میں کہنا تھا کہ امدادی کارکنوں کی ہلاکت سیاہ ترین دن ہے۔سعودی ولی عہد شہزادہ محمد بن سلمان اور اردن کے شاہ عبداللہ کے درمیان ٹیلی فونک رابطہ ہوا جس میں دونوں رہنماؤں نے غزہ میں ہونے والی پیش رفت پر تفصیلی بات چیت کی۔
سعودی عرب اور اردن کے رہنماؤں نے اتفاق کیا کہ دو ریاستی حل کی بنیاد پر مسئلہ فلسطین کا سیاسی حل تلاش کرنے ضرورت ہے۔دوسری جانب وائٹ ہاؤس نے اسرائیلی وزیر اعظم بینجمن نیتن یاہو کے ساتھ صدر جو بائیڈن کی فون کال کا ریڈ آؤٹ جاری کیا ہے۔وائٹ ہاؤس کے مطابق جوبائیڈن نے نیتن یاہو کو باور کرایا کہ شہریوں کو پہنچنے والے نقصان، انسانی مصائب اور امدادی کارکنوں کی حفاظت کے لیے مخصوص، ٹھوس اور قابل پیمائش اقدامات کیے جائیں اور غزہ کے حوالے سے امریکی پالیسی کا تعین اسرائیل کے ان اقدامات پر فوری کارروائی کے ہمارے جائزے سے ہوگا۔
اسرائیلی فوج کی جانب سے بین الاقوامی غم و غصے کا باعث بننے والے اقدامات کے بعد بائیڈن نے نیتن یاہو کو دی جانے والی یہ سب سے ٹھوس دھمکیوں میں سے ایک ہے لیکن یہ دیکھنا باقی ہے کہ امریکی پالیسی کے نقطہ نظر سے اگر کوئی ہے تو اس کے بعد کیا ہوگا؟ جیسا کہ امریکہ۔ اسرائیل کو ہتھیاروں کی منتقلی کی منظوری جاری رکھے ہوئے ہے۔
