بہارشریف (ایم ایم عالم) ضلع سب ڈویژن اور بلاک سطح کے عہدیداروں کا ہفتہ وار جائزہ اجلاس کندن کمار کی صدارت میں منعقد ہوا۔ میٹنگ کے دوران ڈی ایم نے ہدایت دی کہ بہار حکومت کی "سب کا سمان،زندگی آساں” مہم کے تحت، تمام حکومتی دفاتر ہر پیر اور جمعہ کے روز کو "سیوا سمواد امداد” پروگرام منعقد کریں تاکہ عوامی شکایات کا فوری ازالہ یقینی بنایا جا سکے۔انہوں نے بتایا کہ 19 مئی 2026 کو ضلع کے تمام بلاکس میں پنچایت وار سہیوگ کیمپس کا انعقاد کیا جائے گا جہاں شہری اپنے مسائل اور شکایات درج کر سکتے ہیں۔درخواست گزار سہیوگ ہیلپ لائن نمبر 1100 اور 1100 پر بھی شکایات درج کر سکتے ہیں۔sahyog.bihar.gov.inڈی ایم نے کان کنی،لینڈ مافیا، پی ڈی ایس کی دکانوں،آر ٹی پی ایس کاؤنٹروں اور سرکاری کاموں میں درمیانی لوگوں کی بدعنوانی کے خلاف سخت کارروائی کی ہدایت دی۔انہوں نے محکمہ صحت کو الٹرا ساؤنڈ،ایکسرے اور سی ٹی سکین جیسی سہولیات کے باقاعدہ آپریشن کو یقینی بنانے اور ناقص مشینوں کی فوری مرمت کرنے کی بھی ہدایت کی۔میٹنگ میں آتشزدگی کے واقعات پر جلد قابو پانے،فصلوں کے نقصان کا تخمینہ لگانے،وزیر اعظم سورودیا یوجنا کو فروغ دینے،سیلاب سے پہلے کے پشتوں کی مرمت،سماجی تحفظ کی اسکیموں کے زیر التوا کیسوں کی تکمیل اور پنشنرز کی لائف سرٹیفیکیشن کو ترجیح دینے کی ہدایات دی گئیں۔
