علی گڑھ، 24 مئی،سماج نیوز سروس: علی گڑھ مسلم یونیورسٹی کی وائس چانسلر پروفیسر نعیمہ خاتون نے شعبہ بزنس ایڈمنسٹریشن کے ای میگزین حرف 2024، ‘ورڈز چینج دی ورلڈ’، شعبہ کی ادبی اور ای میگزین کمیٹی کے زیر اہتمام منعقدہ ایک تقریب میں جاری کی۔پرو فیسر نعیمہ خاتون نے شعبہ، فیکلٹی اور اسٹوڈنٹ کمیٹی کے ممبران کو ان کی اس کامیابی پر مبارکباد دی اور ٹیم ممبران کے تخلیقی کام کو سراہا۔ انہوں نے کہا کہ ای میگزین کے اجرا کی یہ تقریب ادبی اظہار کے لیے ایک پلیٹ فارم فراہم کرنے کے لیے اساتذہ اور طلبہ کی مشترکہ کوششوں کی علامت ہے۔ انہوں نے حرف کے روشن مستقبل پر اپنے اعتماد کا اظہار کیا۔پروگرام میں بزنس ایڈمنسٹریشن ڈیپارٹمنٹ کے چیئرمین پروفیسر جمال فاروقی، پروفیسر سلمیٰ احمد، پروفیسر فائزہ تبسم اعظمی اور ڈاکٹر طارق عزیز، فیکلٹی انچارج اور جناب بھرت کیشوانی، ایڈیٹر، محترمہ آمنہ صدیقی اور جناب احمد عبداللہ، کو ایڈیٹرس کے ساتھ ایڈیٹوریل کمیٹی کے دیگر اراکین موجود تھے۔
