سیکرامنٹو (کیلیفورنیا) (ہ س)۔ مشہور امریکی ٹیلی ویژن اداکار جارج وینڈٹ (76) منگل کو یہاں انتقال کر گئے۔ انہوں نے آخری سانس کیلیفورنیا کے اسٹوڈیو سٹی میں واقع اپنے گھر میں لی۔ اداکار جارج وینڈٹ کو ٹیلی ویژن پر نشر ہونے والے سیریل ’چیئرز‘ میں نارم پیٹرسن کے کردار کے لیے سب سے زیادہ یاد کیا جاتا ہے۔این بی سی نیوز کے مطابق، سیٹ کام کے چیئرز سیریل میں بیئر پینے والے نارم پیٹرسن کے کردار کے لیے انہیں مسلسل چھ پرائم ٹائم ایمی ایوارڈز ملے۔ ان کے ترجمان جیف چیڈی نے ان کی موت کی تصدیق کی۔ انہوں نے چار دہائیوں سے زائد عرصے تک ٹیلی ویژن انڈسٹری میں پوری لگن کے ساتھ کام کیا۔ جارج وینڈٹ 170 سے زیادہ سیریلز میں نظر آئے۔شکاگو کے رہنے والے وینڈٹ نے اپنے کیریئر کا آغاز سیکنڈ سٹی کامیڈی تھیٹر سے کیا۔ وینڈٹ نے کینساس سٹی، میسوری کے راک ہرسٹ کالج میں معاشیات کی تعلیم حاصل کی تھی۔ وینڈٹ کو 1970 کی دہائی کے آخر اور 1980 کی دہائی کے اوائل میں ہارٹ ٹو ہارٹ اور میکنگ دی گریڈ جیسے شوز میں مہمان کردار میں کاسٹ کیا گیا تھا۔ 1982 میں انہیں چیئرز میں بڑا بریک ملا۔ چیئرز 1993 تک نشر ہوتے رہے۔ ان کے ساتھی اداکاروں میں ٹیڈ ڈینسن، ریا پرلمین، ووڈی ہیرلسن، کرسٹی ایلی، شیلی لانگ اور کیلسی گرامر شامل رہے ہیں۔ ڈینسن نے کہا کہ وہ یقین نہیں کر سکتے کہ ویڈٹ اب نہیں ہیں۔ ہم انہیں کبھی نہیں بھول سکتے۔
