دیوبند، 23 جنوری،سماج نیوز سروس: مہاتما گاندھی کی یوم شہادت اور کانگریس کی ”بھارت جوڑو یاترا“ مکمل ہونے پر ضلع کانگریس سہارنپور دفتر میں ایک پروگرام کا انعقاد کیاگیا جس میں کانگریس کے ممبر پارلیمنٹ راہل گاندھی نے شری نگر کے لال چوک پر واقع کشمیر کانگریس ہیڈ کوارٹر میں قومی پرچم لہرایا، ٹھیک اسی وقت پورے ملک کے سبھی کانگریس دفاتر میں بھی پرچم لہرایا گیا۔ اترپردیش کانگریس کمیٹی کی ہدایت کے مطابق آج صبح 10بجے ضلع کانگریس کے صدر چودھری مظفر علی اور سہارنپور شہر صدر ورون شرما نے ضلع کانگریس دفتر پر پرچم لہراکر سلامی دی۔ مہاتما گاندھی کی یوم شہادت پر کانگریس کارکنان نے پروگرام کے دوران دو منٹ کی خاموشی رکھ کر انہیں خراج عقیدت پیش کیا ۔ اس موقع پر ایک میٹنگ کا انعقاد کیا گیا ، اس موقع پر کانگریس کے ضلع صدر چودھری مظفر علی اور شہر صدر ورون شرما نے ملک کی آزادی کے لئے مہاتما گاندھی کی قربانیوں کو یاد کرتے ہوئے کہا کہ مہاتما گاندھی نے پوری زندگی اہنسا کے راستہ پر چل کر دنیا کو اہنسا اور امن وبھائی چارہ کا پیغام دیا۔ چودھری مظفر علی نے کہا کہ گاندھی جی کی اہنسا کا سبق آج بھارت جوڑو یاترا کا ایک مقصد ہے ، جس کے تحت پورے ملک کو ایک دھاگے میں پروسکتے ہیں۔ انہوں نے کہا کہ پوری کانگریس پارٹی اپنی ذمہ داری کو ادا کرتے ہوئے راہل گاندھی کی بھارت جوڑو یاترا کے آپسی بھائی چارہ کے پیغام کو عوام تک پہنچانے کے لئے ہاتھ سے ہاتھ جوڑو مہم سے جڑیں گے اور کامیاب بھارت جوڑو یاتر ا کے ہدف کو پورا کریں گے۔ ورون شرما اور گنیش شرما نے کہا کہ ہمیں مہنگائی ، بے روزگاری جیسے مسائل اور سماج کو تقسیم کرنے والی بی جے پی کی پالیسی کے خلاف ٹھیک اسی طرح لڑائی لڑنی ہوگی جیسے کانگریس کے جھنڈے تلے مہاتما گاندھی کی قیادت میں آزادی کی تحریک کی لڑائی لڑی گئی تھی۔ اس موقع پر اے آئی سی سی کے رکن اشوک سینی ، ضلع ترجمان گنیش دت شرما ، منیش تیاگی، ہری اوم مشرا، دھرم ویر جین، دھرم پال جوشی، عمران قریشی، نتن شرما، سونو پٹھان، ڈاکٹر یاسمین راﺅ، علی خان ملک، ویر سین، اشوک شرما، نصیب خان، فرمان، عبدل، محمد گلفام، محمد داﺅد، بابو قریشی، ماسٹر نصیر، سشانت، کپل، حمزہ رحمن، فراز رانا، راجا سیفی، ارشد جاوید، مدثر ایڈوکیٹ وغیرہ موجود رہے۔
