نئی دہلی (یو این آئی) معیشت میں ہائیڈروجن اور ایندھن کے خلیوں کے لیے بین الاقوامی اشتراک ( آئی پی ایچ ای ) کی 41ویں اسٹیئرنگ کمیٹی کی میٹنگ 18 سے 22 مارچ، 2024 کو نئی دہلی میں ہندوستان کی میزبانی میں ہو رہی ہے ۔20 مارچ 2024 کو سشما سوراج بھون، نئی دہلی میں میٹنگ کی رسمی کارروائی کا آغاز ہوا ۔ آسٹریا، چلی، فرانس، یوروپی کمیشن، جاپان، جرمنی، ہالینڈ، متحدہ عرب امارات، انگلینڈ، امریکہ، سنگاپور اور جنوبی کوریا سمیت میٹنگ میں شرکت کرنے والے ممالک کے آئی پی ایچ ای کے نمائندوں نے تحقیق و ترقی، اہم پالیسی پیش رفتوں اور اپنے وفاقی امور پر تبادلہ خیال کیا اور اپ ڈیٹ کیا۔ریاستی حکومتوں کی طرف سے کئے گئے ہائیڈروجن اقدامات پر ہمارے ملک کی تازہ ترین صورتحال پر مندوبین نے قومی کلین ہائیڈروجن حکمت عملیوں، ہائیڈروجن کی پیداوار، ذخیرہ کرنے اور نقل و حمل سے متعلق تحقیق اور ترقی کے اقدامات پر تبادلہ خیال کیا۔ ڈیمانڈ جنریشن، انفراسٹرکچر ڈیولپمنٹ، سپلائی اینڈ ڈیمانڈ کے پیمانے اور افرادی قوت کی اپ اسکلنگ کا ذکر کیا۔کمیٹی نے ایک مضبوط ہائیڈروجن معیشت کی تعمیر کے لیے کاروباری ماڈلز، فنانس، پالیسی، ریگولیشن اور ہائیڈروجن کی نقل و حمل، پیداوار اور ذخیرہ کرنے کے لیے پائیدار تجارتی اور اقتصادی ماڈلز کے شعبوں میں بین الاقوامی تعاون اور ساجھیداری کے امکانات پر تبادلہ خیال کیا۔مندوبین نے ریگولیٹری فریم ورک، اخراج کی بچت کو ٹریک کرنے کے طریقہ کار، ہائیڈروجن کے لیے مخصوص انفراسٹرکچر اور مارکیٹوں، ہائیڈروجن بینکوں اور درآمدی برآمدی راہداریوں، عوامی آگاہی، کاروبار کرنے میں آسانی اور اعلیٰ کارکردگی اور کم لاگت کے طریقوں پر بھی تبادلہ خیال کیا۔ کمیٹی نے 40ویں اسٹیئرنگ کمیٹی کے فیصلوں اور اقدامات اور آئی پی ایچ ای کی رکنیت کا بھی جائزہ لیا۔ اس نے تجویز پیش کی کہ گلوبل ساؤتھ کے ممالک سمیت بین الاقوامی برادری کی وسیع تر شرکت کو یقینی بنانے کے لیے رکنیت کو فروغ دیا جائے ۔اس بات پر بھی اتفاق کیا گیا کہ اس سال نومبر میں منعقد ہونے والے یوروپی ہائیڈروجن ویک کے دوران 42ویں اسٹیئرنگ کمیٹی کی میزبانی یوروپی کمیشن کرے گا۔کمیٹی کے چیئرمین نے تمام اسٹیک ہولڈرز پر زور دیا کہ وہ ترجیحی بنیادوں پر معیشت کے تمام ممکنہ شعبوں میں گرین ہائیڈروجن کی تعیناتی کو تیز کرنے کے لیے جرات مندانہ اقدامات کریں۔
