سید پرویز قیصر
انگلینڈ کے تیز بالر گس ایٹکنسن نے اپنے ٹسٹ کیرئر کی شاندار شروعات کرتے ہوئے اپنے پہلے ٹسٹ میں26 اوور میں106 رن دیکر 12کھلاڑیوں کو آوٹ کیا جو انگلینڈ کی جانب سے کھیلتے ہوئے پہلے ٹسٹ میچ میں دوسری سب سے اچھی بالنگ کارکردگی ہے۔ان کو لارڈز کے تاریخی میدان پر اپنا پہلا ٹسٹ ویسٹ انڈیز کے خلاف کھیلنے کا موقع ملا۔ انہوں نے پہلی اننگ میں12 اوور میں45 رن دیکر سات کھلاڑیوں کو آوٹ کیا جو انکی فرسٹ کلاس کرکٹ میں بھی سب سے اچھی بالنگ کارکردگی ہے۔ دوسری اننگ میں وہ14 اوور میں 61 رن دیکر پانچ کھلاڑیوں کو آوٹ کرنے میں کامیاب رہے۔ اپنے پہلے ٹسٹ میں وہ 26 اوور میں106 رن دیکر بارہ کھلاڑیوں کو آوٹ کیا جو ایک فرسٹ کلاس میچ میں انکی سب سے اچھی بالنگ کارکردگی ہے۔ دائیں ہاتھ کے تیز بالر کی یہ کارکردگی انگلینڈ کے لئے پہلے ٹسٹ میچ میں دوسری سب سے اچھی بالنگ کارکردگی ہے۔ انگلینڈ کے لئے پہلے ٹسٹ میں سب سے اچھی بالنگ کا ریکارڈ بائیں ہاتھ کے تیز بالر فریڈ مارٹن کے پاس ہے جنہوں نے آسڑیلیا کے خلاف اوول میں اگست 1890 میں57.2 اوور میں102 رن دیکر بارہ کھلاڑیوں کو آوٹ کیا تھا۔ اس زمانے میں ایک اوور میں پانچ بالیں ہوتی تھی۔ فریڈ مارٹن نے ٹسٹ کی پہلی اننگ میں27 اوور میں50 رن دیکرچھ کھلاڑیوں کو آوٹ کیا تھا جبکہ دوسری اننگ میں وہ30.2 اوور میں52 رن دیکر چھ ہی وکٹ لینے میں کامیاب رہے تھے۔ پہلے ٹسٹ میں یہ تیسرے سب سے اچھی بالنگ کارکردگی ہے۔ اس ٹسٹ میں انگلینڈ کو دو وکٹ سے کامیابی حاصل ہوئی تھی۔پہلے ٹسٹ میں ایک اننگ میں انگلینڈ کے لئے سب سے اچھی بالنگ کا ریکارڈڈومنیک کورک کے پاس ہے جنہوں نے ویسٹ انڈیز ہی کے خلاف اسی میدان پر جون 1995 میں ہوئے ٹسٹ میچ میں19.3 اوور میں43 رن دیکر سات کھلاڑیوں کو آوٹ کیا تھا۔ اس ٹسٹ میں انگلینڈ نے 72 رن سے کامیابی حاصل کی تھی۔ ویسٹ انڈیز کی پہلی اننگ میں اس تیز بالر نے22 اوور میں72 رن دیکر صرف ایک کھلاڑی کواپنا شکار بنایا تھا۔
گس ایٹکنسن نے ٹسٹ کرکٹ میں اپنی دوسری ہی بال پر وکٹ حاصل کیا تھا۔ویسٹ انڈیز کی اننگ کے گیارہویں اوور میں جب انہیں پہلی مرتبہ بالنگ کا موقع ملا تو انہوں نے پہلی بال پر کوئی رن نہ دینے کے بعد پہلی بال پر ویسٹ انڈیز کے کپتان کریگ بریٹھویٹ کو بولڈ کردیا۔ اپنی اس بالنگ اسپیل کے دوران انہوں نے چار بالوں پر تین کھلاڑیوں کو بھی اپنا شکار بنایا۔وہ ایسا کرنے والے انگلینڈ کے بارہویں بالر بنے۔گس ویٹکنسن کی اس سے پہلے فرسٹ کلاس کرکٹ میں سب سے اچھی بالنگ کارکردگی 19.2 اوور میں68 رن دیکر چھ وکٹ تھی جو انہوں نے سرے کی جانب سے کھیلتے ہوئے ایسکس کے خلاف چمسفورڈ میں مئی2023 میں انجام دی تھی۔ ایسکس کی دوسری اننگ میں وہ13 اوور میں37 رن دیکر دو کھلاڑیوں کو آوٹ کیا تھا۔ اس طرح وہ اس میچ میں32.2 اوور میں105 رن دیکر آٹھ کھلاڑیوں کو آوٹ کیا تھاجو کسی فرسٹ کلاس میچ میں انکی سب سے اچھی بالنگ کارکردگی تھی۔ وہ ویسٹ انڈیز ک کے خلاف انکی بالنگ فرسٹ کلاس کرکٹ میں ایک میچ میں سب سے اچھی بالنگ کارکردگی ہے۔پہلے ٹسٹ میں سب سے اچھی بالنگ کا ریکارڈ ہندوستان کے لیگ اسپنر نریندر ہروانی کے پاس ہے جنہوں نے ویسٹ انڈیز کے خلاف چنئی میں جنوری 1988 میں33.5 اوورمیں136 رن دیکر16 کھلاڑیوں کو آوٹ کیا تھا۔اس ٹسٹ میں ہندوستان نے255 رن سے جیت درج کی تھی۔انگلینڈ میں پہلا ٹسٹ کھیلتے ہوئے سب سے اچھی بالنگ کا ریکارڈ آسڑیلیا کے باب میسی کے پاس ہے جنہوں نے انگلینڈ کے خلاف لارڈز میں جون 1972میں ہوئے ٹسٹ میچ میں60.1 اوور میں137 رن دیکر 16 کھلاڑیوں کو آوٹ کیا تھا۔ پہلے ٹسٹ میں یہ دوسری سب سے اچھی بالنگ کارکردگی ہے۔ اس ٹسٹ میں آسڑیلیا نے آٹھ وکٹ سے جیت حاصلکی تھی۔
