نئی دہلی، (یواین آئی) نائب صدر جگدیپ دھنکھر نے ایودھیا میں شری رام للا کی مورتی کی پران پرتسٹھا کو ایک عہد ساز دن قرار دیا اور ملک کے لوگوں کو اس کے لیے نیک خواہشات کا اظہار کیا ہے ۔پیر کو یہاں جاری ایک پیغام میں مسٹر دھنکھر نے کہا کہ ہر جگہ قومی فخر کی نشاۃ ثانیہ کے جشن کے لمحے کا مشاہدہ کرنا خوشی کی بات ہے ۔انہوں نے کہاکہ ”ایودھیا کے تاریخی شہر رام جنم بھومی میں رام مندر کے پران پرتسٹھا کے اس تاریخی دن پر مبارکباد۔ ‘‘گیارہ دنوں کی سخت رسومات کے بعد ایودھیا میں رام للا کے پران ترتسٹھا کی تقریب کی رہنمائی کے لیے دوسرے میزبانوں، سنتوں اور پیروکاروں کی موجودگی میں پران پرتسٹھا کی قیادت کرنے پر وزیراعظم نریندر مودی کو دلی مبارکباد۔’’نائب صدر جمہوریہ نے کہا کہ 22 جنوری کو تاریخ میں ہماری تہذیبی راہ میں ‘الوہیت سے تصادم’ کے ایک اہم لمحے کے طور پر نشان زد کیا گیا ہے ۔ انہوں نے کہاکہ”اس دن، آئیے ہم بھگوان شری رام کی سالمیت، معافی، بہادری، عاجزی اور ہمدردی کی اقدار کو زندگی کے ایک طریقے کے طور پر فروغ دینے کا عزم کریں تاکہ علم، امن، ہم آہنگی اور راستبازی کو ہر جانب لے پھیلاسکیں۔”
