نئی دہلی، سماج نیوز سروس: منظم مکتب جمعیت وجامعہ عربیہ زینت القرآن میروہار مبارک پور دہلی میں اسلامی کوئز مسابقہ و سالانا امتحان میں پوزیشن لانے والے طلباء و طالبات کا انعامی پروگرام 25فروری 2024 زیر صدارت حضرت قاری عبد السمیع صاحب بانی جامعہ و جنرل سیکریٹری دینی تعلیمی بورڈ جمعیت علماء صوبہ دہلی منعقد ہوا جسمیں حضرت مولانا عظیم اللہ صدیقی قاسمی میڈیا انچارجمعیت علماء ہند حضرت مولانا قاری عارف قاسمی صدر آل انڈیا امام فاؤنڈیشن دہلی حضرت مولانا ضیاء اللہ قاسمی انچارج جمعیت بکڈپو و کنوینر جمعیت علماء ہند و مسجد اسلام کے کے امام قاری مقیم صاحب کے ہاتھوں بچوں میں ایوارڈ و سند تقسیم کیا گیا اس موقع پر مکتب کے استاذ قاری اظہر و مدرسے کے استاذ حافظ عبداللہ و حافظ فرحان اور مکتب کے سابق استاذ مولانا راشد ندوی صاحب کو بہترین استاذ کے ایواڈ سے نوازہ گیا مولانا عظیم اللہ صدیقی قاسمی نے تمام کامیاب بچوں اور انکے والدین کو مبارکباد پیش کرتے ہوئے سامعین اجلاس کو مخاطب کرتے ہوئے کہا دینی تعلیمی بورڈ جمعیت علماء ہند کے زیر نگرانی قائم مکاتب سے جمعیت علماء ہند کے قائد حضرت مولانا محمود اسعد مدنی صاحب دامت برکاتہم و ناظم عمومی حضرت مولانا حکیم الدیں قاسمی صاحب دامت برکاتہم و دیگر اکابرین جمعیت کی یہ فکر ہے کہ آنے والی نسل ایک اچھا شہری اور سچا مسلمان ہو تاکہ پوری انسانیت کے لئے وہ نافع ہو یہ جب ہی ممکن ہوگا جب ہمارے بچے سوفیصد مکتب اور اسکول کی تعلیم حاصل کرنے میں کامیاب ہونگے جہالت تمام برائیوں کی جڑ ہے پڑھا لکھا انسان ہی ایک اچھا انسان بن سکتا ہے۔
