سید پرویز قیصر
سری لنکا کے خلاف مانچسٹرمیں کھیلے گئے تین ٹسٹ میچوں کی سریز کے پہلے ٹسٹ میں انگلینڈ کی پہلی اننگ میں اسکے وکٹ کیپر جمی اسمتھ نے شاندار بلے بازی کا مظاہرہ کرتے ہوئے225 منٹ میں148 بالوں پر آٹھ چوکوں اور ایک چھکے کی مدد سے111 رن بنائے جو ٹسٹ کرکٹ میں انکی پہلی سنچری تھی۔ جس دن انہوں نے یہ سنچری اسکور کی اس دن انکی عمر24 سال اور2 4دن تھی ۔ وہ انگلینڈ کی جانب سے سب سے چھوٹی عمر میں ٹسٹ کرکٹ میں سنچری بنانے والے وکٹ کیپر بنے۔ انکی اس سنچری کی بدولت انگلینڈ نے اس ٹسٹ میچ میں سری لنکا کے خلاف پانچ وکٹ سے جیت اپنے نام کی۔
ان سے پہلے انگلینڈ کی جانب سے سب سے چھوٹی عمر میں ٹسٹ کرکٹ میں سنچری بنانے والے وکٹ کیپر لیس ایمس تھے انہوں نے ویسٹ انڈیز کے خلاف پورٹ آف اسپین میں فروری1930 میں ہوئے ٹسٹ میچ میں جب17 چوکوں کی مدد سے105 رن بنائے تھے تو انکی عمر24 سال اور63 دن تھی۔ انہوں نے انگلینڈ کی دوسری اننگ میں یہ سنچری بنائی تھی۔ انگلینڈ نے اس میچ میں 167 رن سے جیت اپنے نام کی تھی۔
جمی اسمتھ چوتھے ٹسٹ کی پانچویں اننگ میں اپنی پہلی سنچری اسکور کی۔ اس سے پہلے ان کا سب سے زیادہ اسکور155 منٹ میں109 بالوں پر بارہ چوکوں اور ایک چھکے کی مدد سے95 رن تھا جو انہوں نے ویسٹ انڈیز کے خلاف برمنگھم میں جولائی2024 میں بنایا تھا۔اس ٹسٹ میں انگلینڈ نے دس وکٹ سے جیت حاصل کی تھی۔
سرے کے اپسوم میں12 جولائی2000 کو پیداہوئے جمی لوک اسمتھ نے اپنا پہلا ٹسٹ ویسٹ انڈیز کے خلاف لارڈز میں جولائی 2024 میں کھیلا تھا۔ابھی تک انہوں نے جو چار ٹسٹ میچ کھیلے ہیں انکی چھ اننگوں میں59.50 کی اوسط اور73.60 کے اسٹرائیک ریٹ کے ساتھ ایک سنچری اور دو نصف سنچریوں کی مدد سے357 رن بنائے ہیں۔ ابھی تک وہ صفر پر آوٹ نہیں ہوئے ہیں اور ان کا سب سے زیادہ اسکور111 رن ہے۔ وکٹ کے پیچھے وہ دس کھلاڑیوں کو آوٹ کرنے میں کامیاب رہے ہیں جس میں سات کھلاڑیوں کو انہوں نے کیچ اور تین کو اسٹمپ کیا ہے۔
ٹسٹ کرکٹ میں سب سے چھوٹی عمر میں سنچری بنانے کا ریکارڈ ہندوستان کے اجے راترا کے پاس ہے ۔ انہوں نے ویسٹ انڈیز کے خلاف مئی2002 میں سنٹ جونس میں جب369 منٹ میں 284 بالوں پر12 چوکوں کی مدد سے آوٹ ہوئے بغیر115 رن بنائے تھے تو انکی عمر20 سال اور0 15 دن تھی۔ دائیں ہاتھ کے اس وکٹ کیپر بلے باز نے کل چھ ٹسٹ میچ کھیلے جنکی دس اننگوں میں وہ صرف ایک ہی سنچری بنانے میں کامیاب رہے۔ 20y 338d
ہندوستان کے ریشبھ پنت نے جب اپنی پہلی سنچری انگلینڈ کے خلاف اوول میںستمبر2018 میں اسکور کی تھی تو وہ20 سال اور342 دن کے تھے۔ اس ٹسٹ کی چوتھی اننگ میں وہ194 منٹ میں146 بالوں پر15 چوکوں اور چار چھکوں کی مدد سے114 رن بنانے میں کامیاب رہے تھے۔ہندوستان کو اس ٹسٹ میچ میں118 رن سے شکست ہوئی تھی۔
آسڑیلیا کے خلاف سڈنی میں جنوری2019 کو ریشبھ پنت نے جب189 بالوں پر15 چوکوں اور ایک چھکے کی مدد سے آوٹ ہوئے بغیر159 رن بنائے تھے تو وہ21 سال اور2 9 دن کے تھے۔ یہ ٹسٹ کسی فیصلہ کے ختم ہوا تھا۔ اپنی 25 ویں سالگرہ سے پہلے وہ ٹسٹ کرکٹ میں پانچ سنچریاں بنانے میں کامیاب ہوگئے تھے۔ ایسا ابھی تک کسی اور وکٹ کیپر نہیں کیا ہے۔
