سرینگر:جموں کشمیر ہاوسنگ بورڈ کی جانب سے جموں شہر میں غیر مقامی مزدوروں، کاریگروں ، چھاپڑی فروشوں،طلبہ ، ملازمین و غیرہ کو کم قیمت پر 336فلیٹس فراہم کررہا ہے اور یہ رہائشی فلیٹس انہیں 25برس تک کرایہ پر دی جارہی ہے ۔تفصیلات کے مطابق جموں و کشمیر ہاؤسنگ بورڈ ہندوستان کے شہریوں کوجو عارضی طور پر یا مستقل طور پر جموں ہجرت کر گئے ہیں، کو پردھان منتری آواس یوجنا – پی ایم اے وائی کے تحت سنجوان کے علاقے میں ملازمت، تعلیم اور طویل مدتی سیاحتی دورے کیلئے 336 فلیٹ الاٹ کرے گا۔ ہاؤسنگ بورڈ کے سرکاری ذرائع نے بتایا کہ سنجوان میں سستی رینٹل ہاؤسنگ کمپلیکس (ARHC) آرہے ہیں اور ہندوستان کے شہریوں سے آن لائن درخواستیں طلب کی جاتی ہیں، جو عارضی طور پر یا مستقل طور پر جموں ہجرت کر گئے ہیں، ملازمت، تعلیم اور طویل مدتی سیاحتی دورے کے لیے الاٹمنٹ کے لیےPMAY(U) مشن کے تحت 336 فلیٹس فراہم کی جارہی ہیں۔سستی رینٹل ہاؤسنگ کمپلیکسز‘‘کے عنوان سے اسکیم EWS/LIG شہری تارکین وطن بشمول مزدور، شہری غریب (سڑک فروش، رکشہ چلانے والے، دیگر خدمات فراہم کرنے والے وغیرہ)، صنعتی کارکنان، اور بازار کے ساتھ کام کرنے والے تارکین وطن کے لیے کرایہ پر مکان فراہم کرنے کے لیے ہے۔ تجارتی انجمنیں، تعلیمی یا صحت کے ادارے، مہمان نوازی کا شعبہ، طویل مدتی سیاح یا زائرین، طلباء یا جموں کے سنجوان میں اس قسم کے دیگر افرادکو یہ فلیٹس فراہم کی جارہی ہیں۔ذرائع نے مزید بتایا کہ الاٹمنٹ کا عمل اگلے ماہ (مئی) سے شروع ہو جائے گا، انہوں نے مزید کہا کہ پہلے مرحلے میں 96 فلیٹس الاٹ کیے جائیں گے اور اکتوبر کے مہینے میں PMAY سکیم کے تحت ضرورت مندوں کو 240 فلیٹس الاٹ کیے جائیں گے۔انہوں نے مزید انکشاف کیا کہ الاٹیوں کو ایک فلیٹ کا معمولی کرایہ ادا کرنا ہوگا، بجز بجلی اور پانی کے بل جو کہ الگ سے ادا کرنا ہوں گے۔اکثر غیر مقامی لوگ کام یا دیگر مصروفیات کے لیے شہر آتے ہیں لیکن کم کمائی کی وجہ سے، بہت سے لوگ مہنگے مکانات کے متحمل نہیں ہو سکتے، اس لیے اس اسکیم سے انہیں فائدہ پہنچے گا۔
