نئی دہلی،سماج نیوز سروس:حضرت خواجہ معین الدین چشتی رحمۃ اللہ علیہ کا 814واں عرس شروع ہو گیا ہے۔ اس موقع پر عام آدمی پارٹی کے قومی کنوینر اور دہلی کے سابق وزیر اعلیٰ اروند کیجریوال نے اجمیر شریف درگاہ کے لیے مقدس چادر پیش کر۔ دہلی اسٹیٹ عرس کمیٹی کے سابق چیئرمین ایف آئی اسماعیلی نے اجمیر شریف کے لیے چادر روانہ کی۔ ایف آئی اسماعیلی نے بتایا کہ اروند کیجریوال نے اجمیر شریف درگاہ کے لیے چادر پیش کرتے ہوئے ملک میں امن و چین، خوشحالی، باہمی بھائی چارے اور بھارت کے دنیا کا نمبر-1 ملک بننے کے لیے دعا کی۔ انہوں نے کہا کہ آپ حکومت کے دوران ہر سال براڑی گراؤنڈ میں عرس ٹرانزٹ کیمپ لگایا جاتا تھا اور زائرین کو تمام سہولیات فراہم کی جاتی تھیں۔جمعہ کو دہلی اسٹیٹ عرس کمیٹی کے سابق چیئرمین ایف آئی اسماعیلی نے بتایا کہ ہر سال اجمیر میں حضرت خواجہ معین الدین چشتی رحمۃ اللہ علیہ کا عرس منایا جاتا ہے، جس میں ملک بھر سے لاکھوں افراد شرکت کرتے ہیں۔عموماً ہر سال 10 سے 12 لاکھ زائرین اپنی منتوں اور دعاؤں کے ساتھ وہاں پہنچتے ہیں۔ انہوں نے بتایا کہ دہلی میں ہر سال دہلی اسٹیٹ عرس کمیٹی کی جانب سے براڑی گراؤنڈ میں ٹرانزٹ کیمپ قائم کیا جاتا ہے، جہاں 11 مختلف ریاستوں سے آنے والے زائرین اجمیر روانگی سے قبل قیام کرتے ہیں۔ یہ زائرین دہلی میں اس لیے رکتے ہیں تاکہ حضرت نظام الدین اولیاء ؒ، مٹکا پیر اور مہرولی شریف کی درگاہوں پر حاضری دے سکیں۔ایف آئی اسماعیلی نے اطلاع دی کہ اس سال بھی دہلی میں عرس کا کیمپ لگایا گیا اور زائرین کو ہر طرح کی سہولتیں فراہم کی گئیں۔ اب تک 475 سے زائد بسیں دہلی پہنچ چکی ہیں اور بڑی تعداد میں زائرین دہلی سے اجمیر کے لیے روانہ ہو چکے ہیں۔ تاہم، گریپ-4 نافذ ہونے کی وجہ سے کئی بسیں دہلی میں براہِ راست داخل نہیں ہو سکیں اور انہیں سیدھا اجمیر شریف روانہ کیا گیا ہے۔ اس کے باوجود زائرین کی اتنی بڑی تعداد میں دہلی آنا اور یہاں قیام کرنا ان کی گہری عقیدت کی عکاسی کرتا ہے۔ ایف آئی اسماعیلی نے کہا کہ اروند کیجریوال کی حکومت گزشتہ 10 برسوں سے براڑی گراؤنڈ میں عرس ٹرانزٹ کیمپ لگوا رہی تھی اور زائرین کو بہترین سہولیات فراہم کی جا رہی تھیں۔ موجودہ حکومت نے بھی اس روایت کو برقرار رکھا اور براڑی گراؤنڈ میں عرس کا کیمپ قائم کیا گیا۔ اس کیمپ کے انعقاد میں عرس کمیٹی کے سابق چیئرمین ایف آئی اسماعیلی کی بھرپور کوشش رہی۔ ان کی محنت، لگن اور ایمانداری کے سبب یہ کیمپ کامیاب رہا اور امید ہے کہ مستقبل میں بھی زائرین کے لیے یہ انتظام جاری رہے گا۔ انہوں نے بتایا کہ اروند کیجریوال نے چادر پیش کرتے وقت ملک میں امن و چین، خوشحالی اور باہمی بھائی چارے کے لیے دعا کی اور یہ بھی دعا کی کہ بھارت دنیا میں نمبر ون ملک بن کر ابھرے اور عوام کی زندگی آسان ہو۔ کیمپ میں ہر سال کی طرح اس سال بھی اسپتال، مینا بازار، لنگر اور کمیونٹی کچن کا انتظام کیا گیا ہے۔ اس مرتبہ بھی لنگر لگایا گیا ہے اور روزانہ تقریباً 50 دیگ لنگر مفت تقسیم کیا جا رہا ہے۔ چادر پیش کرنے کے موقع پر اروند کیجریوال کے ساتھ دہلی اسٹیٹ عرس کمیٹی کے سابق چیئرمین ایف آئی اسماعیلی، سابق رکن اسلام الدین اور سابق رکن وقار بھوپالی بھی موجود رہے۔
